Zakaliya 10:7 - Amazwi Yakwe Leza 2013

⁷ Aina Izlaeli yalakolana na asambazi, yalasansamuka wa antu amwile waini. Ana yao yalaiusya vino ivikolwe vyao vyacimvizye, nu kusansamuka nayo yalasansamuka, yalazanga pakulola vino ne Yawe nacita.

Zakaliya 10:7 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 43:34

Ivyakulya vimulwanga kunoyali ukufuma api tebulo lyakwe Yosefu, lelo Benjamini wimwilwe maila yasano ukuluta aina yakwe onsi. Caleka yalya nu kumwa yazanga pamwi na Yosefu.

Masamu 102:28

Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Masamu 13:5

Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 33:21

Muli aliwe umwayela insansa zitu, nu mwi zina lyakwe ilyamuzilo amuno twataila.

Masamu 90:16

Leka imilimo yako iloleke ku yaomvi yako, nu lulumbi lwako ulukulu luloleke ku ana yao.

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Ezaya 38:19

Apuma nupya aumi sile, ali yano yakakulumbanya, wakwe vikwene vino nemo nkucita ilelo. Akwasi ali yano yakalandila ana yao, ndi vino wemo waya uwa cumi.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Ezaya 66:14

Lino mwemo mwaca mumalola ivintu vii imyenzo inu ilasansamuka. Mulakwatisya amaka nu mutende. Alino lyene mulasininkizya ukuti fwandi mu cumi anene nkaazwa yano yamfukilila nupya nu kuti nkavunukila anisi yane.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Habakuku 3:18

Lelo nemo namazangila muli Yawe, namakwatanga insansa pamulandu wakuti Leza a Katuula wane.

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Luka 1:47

nupya untu wane ukuzangila muli Leza Katuula wane,

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Milimo 13:33

Ndi vino Leza walavile vikolwe vitu, avino naswe watatucitila, swe ana yao, pa kulenga Yesu azyukuke kufuma ku afwe. Ndi vino calembwa mu ciputulwa cakwe ciili ca Masamu, cati, ‘Wewe Mwanane, ilelo naya nene ndi so.’

Milimo 2:26

Caleka mwenzo wane uli ni nsansa, na mazwi yane aluzango pano nanti angala nene mwina kufwa lelo ndi nu upaalilo,

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Filipi 4:4

Mwazanga mu Mwene. Nupya kwene nkuti mwazanga!

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

1 Samueli 2:1

Lyene Hana apepa ati, “Umwenzo wane ukuzanga muli Yawe, amaka yane yakafuma kuli Yawe. Ndakai inkuseka anisi yane, pano nkazangila mu ufyusi wako.