Zakaliya 10:4 - Amazwi Yakwe Leza 2013

⁴ Pa antu yane kwene yayo apalafuma wenga alaya wi we lya pitungi, nupya muli aliwe umulafuma ulupopo lwakulema itaalu, umulafuma ulapwa wa kulwila inkondo, nupya umulafuma intunguluzi zyonsi.

Zakaliya 10:4 ပူးပေါင်းရင်းမြစ်များ

Utandiko 49:24

Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.

Ezila 9:8

“Lelo umu kasita kanono, we Yawe Leza witu watuyela amizu nu kututuula ku uzya, kuti twikale umu ncende yako yamuzilo. Wemo watutuula ukufuma ku uzya nu kutupela umi upya.

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Ezaya 19:13

Intunguluzi zyonsi zyamu Zoani zyatizisanguka iviwelewele, nga ni vilolo vyaku Memfisi vyasombwa. Yayo akatungulula aina Eguputo yaponzya impanga yao.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 49:2

Wene waleka na kanwa kane kuti kaye akakalipisye wa lupanga, nupya umweneco aliwe amansunganga. Wancita wa luceto ulusongole, wamfisa nu munyambi yakwe.

Ezaya 54:16

Sitala lola! Anene naumvile musyanyi, kavukuta wa moto uwa makala, muno akafumyamo ivyanzo ivyakusula. Lelo pa kasita kali kamwi kwene anene nauumba nu mononyi kwene akavyonona. Icanzo consi cino yasuzile apakukulwisya, cilaposiwa ukuomba. Nanti sile ululimi lonsi luno lulakulolwela umu cilye apa kukusinila, yalalusinila ululio kwene. Vivyo vyonsi ali visuma vino aomvi yakwe Yawe yasyukila. Ali vilwilo vino ndayalambula.

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 51:20

Yawe wavwanga wati, “Babiloni awewe uli nondo yane, canzo cane cakulwilako inkondo. Naomvizye wewe kuti imvungole inko na mawene,

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Zakaliya 9:8

Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Mpendwa 24:17

Inkumulola, nga lelo asi pa nsita ikwene. Nkumulolekesya, nga lelo asi apipi. Umwene, akoline wa lutanda, alafuma mu luko lulu. Intuwa ya wene yakatuka yafuma mwakwe Izlaeli. Wene wapola Moabu mu nzekete yi kutwi Na ana yakwe Seti yonsi aonsi ku lupanga.

Mateo 9:38

Caleka pepini ku mwine wa uzombozi kuti atume aomvi nayauze ku uzombozi wakwe.”

Luka 20:17

Yesu ayalolekesya nga ayauzya ati, “Uzye lyene, icalembwa cino cikati, ‘Iwe lino yakakuula yakanyile lyene lyacisilwe iwe lya pitungi lya ng'anda,’ cikasenula uli?

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

2 Timoti 2:4

Musilika wino ali pa mulimo wene akalonda kuzanzya musika mukulu. Caleka wene asyaitumpa mu vicitwa visi vya asilika.

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

1 Samueli 14:38

Icaleka Saulo anena yamusika ya vita ati, “Izini kuno kuti tulondelezye iifyo lino lyacitwa ilelo.