Zakaliya 1:17 - Amazwi Yakwe Leza 2013

¹⁷ Ulundepo ukuuma imbila uti, “Yawe Wamaka yonsi walanda wati, ‘Mu misumba yane ii mulaya icuma icivule. Yawe nupya kwene alatekezya Zioni, nga nu kuleka umusumba wa Yelusalemu waamwa ukuti umusumba wane.’ ”

Zakaliya 1:17 ပူးပေါင်းရင်းမြစ်များ

2 Milandu 6:6

Lelo nemo nasolola umusumba wa Yelusalemu kuti amuno antu yampepela mwenemo, nupya nasolola Davidi kuti ateeka antu yane aina Izlaeli.’ ”

Neemiya 11:20

Aina Izlaeli yamwi na yasimapepo na ina Levi asile mu misumba yaku Yuda na ali wensi yikalanga mu ncende yao yaupyanyi.

Neemiya 11:3

Umu misumba yuze yasyala umwatenzi cele wensi wasyala wa ina Izlaeli, yasimapepo, aina Levi, aomvi yaku Ng'anda ikulu yakwe Leza, nga na amu mupanda wa yaomvi yakwe Solomoni, cila wensi apa caupyanyi cakwe mu misumba yao. Uu, uli utantiko wa ntunguluzi zya ikazi amu muputule wa mpanga yaku Yuda atenzi mu Yelusalemu.

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Ezaya 49:13

Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Ezaya 52:9

Pundini capamwi ni nsansa, mwe vitalang'anda vyamu Yelusalemu, pano lyene Yawe watamyalalika antu yakwe yano yakukuulula Yelusalemu.

Ezaya 54:8

Natazile nakufisa usyu wane pa kasita kanono, pano nalunkwime sile uku cipyu. Lelo ninkuyela uluse pamulandu ni citemwiko cane ca pee. Ivyalanda Yawe Katuula wako.

Ezaya 66:13

Nemo ndamumyalalika mu Yelusalemu, ndi vino nacivyazi akamyalalika umwana wakwe.

Yelemiya 31:13

Alino umukazyana alasansamuka pa kucina, alumendo na akote yalazangila kumwi. Ndasangula ukulosya kwao insansa, ndamyalalika imyenzo yao. Apa ulanda wao ndausenula uye uluzango.

Yelemiya 33:13

Nupya yakacema yalapendelamo imfwele zyao umu misumba ya mwisika lya myamba, umu misumba yaku Negebu, umu citungu cakwe Benjamini, nga nu mu misumba ino yazinguluka Yelusalemu kumwi ni misumba ya muno mpanga yamu Yuda. Ica cumi anene ne Yawe navwanga.”

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Ezekelo 36:33

Nupya Yawe Simwandalali anena ati, “Lino nemo ndamuzifya ku viipe vinu vyonsi, alino ndaleka mwaikala mu misumba inu nupya, nu kuleka mukatutulule ivitalang'anda.

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Obadiya 1:20

Aina Izlaeli yano yali mu uzya yalikala mu mpanga ya Kenani mpaka ukufika nu ku uwondaka ku Zalefati. Aku Yelusalemu yano yali mu uzya ku Sefaladi yalikala mu misumba yaku katutu uku Negebu.

Zakaliya 1:14

Lyene umungeli wilya uwavwanganga nani anena ati, “Umaimbila uti, Yawe Wamaka yonsi wavwanga wati, ‘Ukulanguluka kwane konsi nu mwenzo wane onsi vili pali Yelusalemu na Zioni.

Zakaliya 1:18

Lyene mu cilolwa nacuze indola impembe zini zyakwe yacipambasi.

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe