Zakaliya 1:16 - Amazwi Yakwe Leza 2013

¹⁶ “Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 1:16 ပူးပေါင်းရင်းမြစ်များ

Yobo 38:5

Uzye wamumanya uwapimile ukulu wa nsi, wiyo uwanyunzulwile umwando wakupimilako nu kupimila kweneko insi?

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Ezaya 34:11

Yasinsimwe na yamwankole ali yano yalaikala mwenemo. Yawe aliwe alaleka kuti impanga isyale ikazyana, ndi vino yali lino ivintu vitatala vyaumbwamo.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Ezekelo 40:3

Ampalamika umu pipi, nga indola umuntu uwayengesanga wa mukuwa. Umu minwe yakwe mwali umwando upyatwe nu usavu wakwe katani ni ntuwa ya kupimilako, ala aimilile na pa mpongolo.

Ezekelo 47:3

Alino umuntu wiyo uwali nu mwando wakupimilako umu minwe yakwe, apima na mamita imyanda isano kutentemukila kuno kaluzi kakonkolokonga. Ali pakundamvya uluzi na manzi yamfika mu tunkulungu.

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Hagai 1:14

Lyene Yawe acincizya umwenzo wakwe Zelubabeli umwana umonsi wakwe Syeatieli, musika waku Yuda, na Yoswa umwana umonsi wakwe Yeozadaki, Simapepo Mukulu nga na antu yonsi pyu. Iyakatuka iyatandika umulimo wa kukuululula Ng'anda ikulu yakwe Leza Wa maka Onsi, Leza wao,

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”