Zakaliya 1:12 - Amazwi Yakwe Leza 2013

¹² Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Zakaliya 1:12 ပူးပေါင်းရင်းမြစ်များ

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Masamu 102:10

Pamulandu wa cipyu cako nu ukali wako, nemo wantola nu kumvwintila kuko!

Masamu 102:13

Katuka fwandi, nduyele Zioni uluse, insita lyene yatifika ino ungamuyelela uluse. Ikwene ili nsita ilingine!

Masamu 69:5

We Leza, ala uwelewele wane, waumanya wewe, nu uyi wane nawo kwene waumanya!

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Masamu 79:5

We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Kasambilizya 3:3

kwaya insita ya kukoma ni nsita ya kupozya, kwaya insita ya komoola ni nsita ya kukuula.

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 12:4

Uzye ukuumalala kwa mpanga itu kulasila lilaci? Ukuuma kwi sote mu vyalo vitu nako kulasila lilaci? Inyama zikufwa, ivyunyi navyo vikufwila sile pamulandu nu uyi wa antu aikala muno mpanga. Pano yene yakalola kwati wemo usyalola vino yakacita.

Yelemiya 15:17

Ntatala nazangila ukwikala mwiumba lya antu ya misowe, nanti ukusekaseka pamwi nayo. Lelo apa kuyela ilamulo lyako, nikalanga sile nenga nupya umusoke.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Danieli 12:6

Wenga auzya umuntu uwazwite insalu itelepelele, wiyo uwali lwa kupela ya luzi ati, “Uzye ukufika lilaci lino ivintu vii vyakuzunguka vilafikiliziwa?”

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Habakuku 1:2

Uzye ukufika lilaci lino we Yawe namalilila kunuli kuti ungazwe, lelo wemo usingasuuka? Nanti ukuilizyanya kuli wewe inti, “Ntulwe, inkondo kuno!” Lelo ukwaula kuti wemo ututuule?

Zakaliya 1:8

Mu nsita ya usiku nakweti icilolwa nga ndola umuntu akwezile pa mfwalasi iyenzu. Umuntu wiyo aimilila mu miti iyali mu cifoloma. Uku nsizi yakwe kwali imfwalasi, zimwi ziyenzu, na zimwi wakwe mulamba.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”