Yowelo 3:19 - Amazwi Yakwe Leza 2013

¹⁹ “Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.

Yowelo 3:19 ပူးပေါင်းရင်းမြစ်များ

Masamu 137:7

We Yawe, iusya vino aina Edomu yacisile uwanda uno Yelusalemu wazanzilwe. Iusya vino yakomilepo ukulanda ala yakuti, “Wongololini, muongolole suka na pansi.”

Ezaya 11:14

Yoili kwene yalazanza aina Filisti lwaku uwondaka nu kupokolola ivyuma ku antu akaikala uku ufumondaka. Yalacimvya aina Edomu na ina Moabu. Na ina Amoni yalauvwila kunoyali.

Ezaya 11:15

Yawe alakamya nu mupunda wakuli yemba waku Eguputo, nu kuleta umuza ukaye uwaku kamya uluzi lwa Yufulate, nga nu kusya sile utunguzi cinimbali, tuno umuntu ali wensi angalamba.

Yelemiya 49:17

Edomu alononeka cakuzunguka, na yonsi yano yalapita panoli yalazunguka sile nu kukuwa umuluvi apakulola amasyamo yakwe yonsi.

Yelemiya 51:35

Aina Zioni kayalukuti, “Ee, cumi aina Babiloni kayayafulule sile, pali vino yene yatucuzizye!” Antu amu Yelusalemu nayo kayale yalukuti, “Eya, aina Babiloni kayayafulule, pali vino yamucuzizye!”

Nyimbo zya ndosya 4:21

Sansamukini, zangini mwe antu amu Edomu mwe ikazi yamu Uzi, ponsi pano mutemilwe. Lelo namwe kwene uzanzo ulamuponela nga yalamupisya tupu, ni nsonyi zilamulema.

Obadiya 1:1

Uu, uli usemo wakwe Obadiya wa pali vino Yawe Simwandalali walanda pa kuvunukwa kwa luko lwakwe Edomu. Yawe watatuma inkombe zyakwe ku antu amu nko zyonsi, nga naswe twatituvwa amazwi yakwe akuti, “Iteyanyini! Tuyini tukalwisye aina Edomu!”

Habakuku 2:17

Mwakomola imitengo yaku Lebanoni. Lyene namwe muli nu kuputolwa mpaka pansi. Mwakomozile ni nyama zyonsi zyamu mutengo kwene. Lyene inyama izilamoofya. Vii vilamucitikila pano mwemo mwali atazi ya katwe. Nupya mononyile imisumba kumwi na ikazi ya mwenemo.

Zakaliya 10:10

Ndayafumya mu mpanga yaku Eguputo nu mu Asilya, ndayawezezya na kuno ukumwao. Ndayateeka mu mpanga ya Gileadi nu mu mpanga ya Lebanoni kwene, nu mu mpanga ilya yonsi mulasuka muzuule antu.

2 Tesalonika 1:6

Leza alacita cisuma pa kuvunuka yao alaleta macuzi panomuli.