Yowelo 3:18 - Amazwi Yakwe Leza 2013

¹⁸ “Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Yowelo 3:18 ပူးပေါင်းရင်းမြစ်များ

Yobo 29:6

Iviteekwa vyane vyavovomokanga iziya lino nailyokezyanga. Mafuta yakwelekela nayo yapongolokanga ukufuma umu musili wa mawe, kwati utunguzi sile.

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Ezaya 30:25

Uwanda uno amalinga ya anisi inu yalapokwa nu kukomolelwamo antu yano yikala mwenemo, ali lino mu myamba yonsi mulafunkuka tufukoka twa manzi.

Ezaya 35:6

Ivilema vimatolokanga wa nswela. Indimi zyakwe yaciulu zimapundanga nu luzango. Amanzi yamakonkolokanga umu lwanga ni nguzi zilapita umu mpanga ilangoke.

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Ezaya 45:8

“Ndatuma ucimvyo ukufuma kwiyulu wa mvula. Umusili ulalepuka apa kuupokelela, apakuti mufumemo ufyusi wa antu uwa uwaololoke. Nene ne Yawe ndaleka cii cicitike.”

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Ezaya 66:11

Ali pakuti monke nu kwikuta ku maele yakwe. Monkesye wakwe cimwi nu luzango ku maele yakwe acindamisye.”

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Zakaliya 14:8

Wanda ulya ndi waca wafika mu musumba wa Yelusalemu mulafuma amanzi ya umi, yamwi yalaya kuli Yemba Mufwe, yauze nayo yalaya ku uwondaka kuli Yemba wa Adiliya. Amanzi yayo yalapita ukuzinguluka umwaka onsi.

Mpendwa 25:1

Pa nsita ilya aina Izlaeli yali ku Syitimu. Ali lino antu iyatandika ukucita uzelele na anaci aina Moabu.