Yowelo 3:16 - Amazwi Yakwe Leza 2013

¹⁶ Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

Yowelo 3:16 ပူးပေါင်းရင်းမြစ်များ

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 61:3

Pano awewe sile ukantuula, wewe uli maka yane yano yakancingilila nu ku anisi.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”

Ezaya 33:21

Ali muno Yawe alatulandila ucindami wakwe. Mulaya wa ncende zya nguzi zisalale nu tunguzi utunono. Amato ya nkafi yatalapita mwenemo, nupya ivyombo ivikulu vitalapita mwenemo.

Ezaya 42:13

Yawe akacincila wi lumba apakuya ku kulwa, wene waiteyanya nu muzonda wa cita. Wene alapunda izwi lyakukatusya ulwi. Alalanga amaka yakwe apa kucimvya anisi yakwe.

Ezaya 51:16

Anene kwene nasapalalika amayulu, nu kusimpisya imifula yansi. Anene kwene nkanena aina Izlaeli inti, ‘Mwemo mwemwe antu akwane mpo, amwemwe napiile amasunde yane, nupya amwemwe nkasunga uku maka yane sile.’ ”

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 17:17

Utezya uye icoopo kunondi, pano nemo nkazina munuli pa wanda wa kuzanzwa.

Ezekelo 38:19

Umu cipyu cane, mu uzuwa wane, nu mu ukali wane navwanga nati, “Nalapa ndi vino umu wanda ulya mulaya icimvulunganya wakwe cimwi umu mpanga ya Izlaeli.

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Amosi 1:2

Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Hagai 2:6

Vino nkumunena ne Yawe Wamaka Onsi aivi, “Pasyala sile panono ale natensya iyulu ni nsi yonsi, yemba ni cituntu kwene nga na vyonsi ivyaya mwenemo.

Hagai 2:7

Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Zakaliya 10:12

Nene ne Yawe ndakomya antu yane, nayo yalampepa nu kunjela.” Avino Yawe wavwanga.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 9:12

Swililinimo mwe azya mwemuno mukalolela ukukululwa, swililini ku mwinu kwa kwikalilila umutende. Ilelo kwene namunena ukuti ndamulambula amaila yaili, pali vyonsi sile vino mwaculile.

Ayebulai 12:26

Lino Leza wavwanzile iila lyakutandika, izwi lyakwe lyatensizye insi pa nsita ilya. Lelo ndakai akulaya ati, “Nupya kwene ntalatensya sile insi, lelo ndatensya ni yulu kwene.”

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 16:18

Lyene kwali kumyansya kwa nkuwa, ciunda nu kupangalansya, nga ni cilundumusi cakofya. Kutatala kuya cilundumusi ca musango uu kufuma lino umuntu waumvilwe. Cene cili cipisye kuluta vyonsi!

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”