Yowelo 2:3 - Amazwi Yakwe Leza 2013

³ Ku nkolelo nako kuli umoto ukaonona, kunsizi nako kuli amakala ya moto akoca ivintu. Lino yene yatacili yafike, impanga yali wa muyanda wa Edeni. Lelo lino yafumilemo, yasangwike iya wa lwanga, umutasile akantu nanti kamwi.

Yowelo 2:3 ပူးပေါင်းရင်းမြစ်များ

Utandiko 13:10

Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Utandiko 2:8

Lyene Yawe Leza apanza icalo ca Edeni lwaku ufumondaka, nga aikamo umuntu wino wapanzile.

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Masamu 97:3

Umoto ukamukolelela nu koca anisi yano yamulilizya.

Kufuma 10:15

Makanta alimba pa musili ponsi ipafita paya na fititi. Alya vyonsi vino vitononyilwe ni mvula ya mawe, kumwi ni viseekwa vya miti kwene. Kutali ifwa nanti limwi ilyasile ku muti. Asinkitula vimelwa vyonsi mu mpanga ya Eguputo yonsi.

Kufuma 10:5

Makanta alavula cuze nu kwandatila impanga yonsi ya Eguputo cakuti musili utalaloleka. Alalya vimelwa vyonsi vino vyasile ku mvula ya mawe, ni vimiti kwene ivyasile alatondola.

Ezaya 14:17

Uzye asi aliwe wasangwile insi amapooli, nu kupasa imisumba nga akana nu kufumya iminyololo ku azya?

Ezaya 15:6

Amanzi aku Nimulimu yatiyakama. Isote lyatilyuma, nu mulemvwe watiulokota. Kutasile icintu nanti cimwi iciisi.

Ezaya 33:4

Yakakolonganika ivisampwe ungati amakanta. Nu kutoloka yakatoloka wakwe makanta.

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Ezaya 9:18

Ala umu cumi uyi ukapya wa lupya. Wene ukaoca imyunga na yankololwe. Ukawayola umutengo wa matesi ni cimbilimbili ca vyunsi icifutumukila nu mwiyulu.

Ezaya 9:19

Impanga yatipya uku ukali wakwe Yawe Wamaka yonsi cakuti antu yatiyapya. Cila muntu lyene akantunta ntwala.

Yelemiya 5:17

Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Ezekelo 36:35

Nga alino yonsi yalavwanga yati, Silolini ivyalo ivyali mpiti ulwanga, lolini lyene vino vili wa calo ca Edeni. Nga ni misumba iyaongolwike mpiti nu kuisampa nu kusyala vitalang'anda, lolini lyene vino yati yaikuula cipya cipya, nu kupindilizyako amalinga, nga na vino lyene antu yakwikala mwenemo.

Amosi 7:4

Vii, ali vino Yawe wandangizye umu cilolwa: Yawe Simwandalali waamile amakala ya moto kuti avunuke antu. Umoto uo wosile impanga ikulu sana iutandika nu konona ivyalo vyonsi pyu panonsi.

Habakuku 1:6

Cii calola mukuti ndakatusya aina Babiloni, umutundu ukalamba nupya uwamaka cuze. Yene yalapitoka umu mpanga zyonsi zya pano nsi kuti yakacimvye nu kupoka impanga zya eneco.

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”