Yowelo 2:29 - Amazwi Yakwe Leza 2013

²⁹ Endi, na pa yaomvi yane kwene, aonsi pali pamwi na anaci, ndapongolwela Mupasi wane mu manda yayo, nga nao yalasema.

Yowelo 2:29 ပူးပေါင်းရင်းမြစ်များ

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Ezekelo 37:14

Nemo ndayaputilizya umupu wane, ndayawezezya umi nu kuleka yaikala nu umi umu mpanga yao. Ali lino yalasininkizya ukuti fwandi nene indi Yawe. Nemo nalaya ukuti avino ndacita. Ivyalanda ne Yawe.”

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.