Yowelo 2:24 - Amazwi Yakwe Leza 2013

²⁴ Apa lwano pene wavuzya ingano. Umu vina vyakupondelamo amatingi, namo wazuzyamo waini umupya, na mafuta kwene yatiyavulisya wakwe cimwi.

Yowelo 2:24 ပူးပေါင်းရင်းမြစ်များ

Ezekelo 36:8

Mu myamba yamu Izlaeli mwene mulamela imiti nupya nu kuseekamo iviseekwa ivyakuti muce mwalya mwe ina Izlaeli, mwe antu yane pano mwasya muswilile zuwazuwa ku mwinu.

Yowelo 3:13

Swelula icikwakwa cakusinzila, pasi pano ingano zyatizica mpiti. Izini, mulyatole amatingi, pasi pano umwakufenela amatingi mwatimuzula waini, nga na waini akusampoka. Vivyo ivyaya ukwifya wakwe cimwi, ukwa antu amu mitundu yuze.’”

Yowelo 3:18

“Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Aina Levi 25:19

Mpanga iyo ilamupeela ivyakulya vyakweyo, nupya namwe mulakwata ivyakulya vyonsi vino mukalonda, nupya mulikala mutende.

Aina Levi 26:10

Uzombozi winu ukaaya uvule cuze cakuti mukaakwata ivyakulya mwaka onsi. Lelo nalyo kwene mukaasumba sile kuulu uwamu nkoma zinu kuti musyale ncende ya vyakulya vicice.

Amosi 9:13

Yawe wavwanga wati, “Insita iliiza lino ingano zilakula ulwilo, ukuluta vino zingazombolwa zuwa. Amatingi nayo yalakula ulwilo, ukuluta vino waini angapangwa. Imyamba ilaatona waini umulyompe, numu tulundu mulakonkoloka waini.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.