Yowelo 2:23 - Amazwi Yakwe Leza 2013

²³ “Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Yowelo 2:23 ပူးပေါင်းရင်းမြစ်များ

1 Yamwene 8:36

wemo ulinzile wayuvwa kuko kuno wikala ukwako kwiyulu. Uwayelela aomvi yako uluse, aina Izlaeli. Uwayasambilizya ukucita ivintu visuma, uwaleka ni mvula ukutonya pa mpanga ino we mweneco watupile, swe antu yako yano waisolwela, kuti ingaya icaupyanyi citu.

Yobo 33:23

Limwi nalyo, pa angeli amazimbi, Leza angatolapo wenga nu kumutuma uku alwale kwene yayo, ukuti yakayacelule ku milimo ino yalinzile ukuomba.

Yobo 37:13

Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.

Masamu 104:34

Si angala asansamukila mu melenganyo yane yonsi pano aliwe akansansamusya nupya nani nkazangila munoli.

Masamu 147:8

Aliwe akavimba iyulu na makumbi, aliwe akapeela insi imvula, nu kumezya umulemvwe umu myamba.

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Masamu 84:6

Lino yene yakupita umu Cifoloma cakwe Baka, icilangoke, icume ndii, icifoloma cikasanguka tufukoka twa manzi, ungati amumu muno mukamela icili consi imvula nga yowoka.

Mapinda 16:15

Ukuyengesa kwa usyu wa mwene kukapeela uumi, nu luse lwakwe lwaya wi kumbi lya mvula umu cilala.

Ezaya 30:21

Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 5:24

Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Nyimbo zya ndosya 4:2

Ance amu Zioni acindime wakwe zaabu, lyene yangakolana sile ni nyungu ziivu zyakwe nakamata.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Amosi 4:7

“Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.

Zakaliya 10:1

Mwauzya imvula ya mooko kuli Yawe. A Yawe aliwe akaleta amakumbi ni mvula kwene, nu kumezya ivintu mu vyalo vya muntu ali wensi.

Zakaliya 10:7

Aina Izlaeli yalakolana na asambazi, yalasansamuka wa antu amwile waini. Ana yao yalaiusya vino ivikolwe vyao vyacimvizye, nu kusansamuka nayo yalasansamuka, yalazanga pakulola vino ne Yawe nacita.

Zakaliya 9:13

Pasi pano nemo namuteyanya mwe Ayuda wa ulapwa wane. Nimwika wa luceto mwe ina Izlaeli. Aonsi amu Zioni ali yano namaomvya wa lupanga, pa kulwisya aonsi amu Gilisi.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Malango 11:14

Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.

Filipi 3:1

Mukumalila inane, muye nu luzango mu Mwene. Ntasakamile ndi namulembela nupya vintu vino namulembile nkolelo. Endi, cingamuzipila kuti ncite vii.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Filipi 4:4

Mwazanga mu Mwene. Nupya kwene nkuti mwazanga!