Yowelo 2:2 - Amazwi Yakwe Leza 2013

² Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Yowelo 2:2 ပူးပေါင်းရင်းမြစ်များ

Masamu 10:6

Umu mwenzo wakwe akavwanga ati, “Insi wakutenta. Ntalaponelwa ni ntazi.”

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Kufuma 10:14

Makanta aiza mu mikumbi mikumbi nga aandalila mu Eguputo monsi. Lyali ikumbi lyakwe makanta likulu cuze lino litatazile liloleke mwi landwe lya mpanga ya Eguputo nupya litalatala liloleke.

Kufuma 10:6

Alalimba mwi sano lyako, mu mang'anda yakwe yacilolo yako nga nu mu mang'anda ya antu yako. Makanta wiyo alipa cuze, wino vikolwe vinu vitatala vyalola mwi landwe lya mpanga ya Eguputo.’ ” Lino Mose wamala kuvwanga vii kuli Falao afutata apita.

Kufuma 20:21

Lelo antu yatwalilila kwimilila kutali. Suka sile Mose aliwe apalama kwi kumbi linyome litifi, kuno Leza wali.

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 13:6

Walanga papita amanda avule, Yawe avwanga kunondi ati, “Yanga ku Yufulate, uye ukafisulule insalu zino nakunenyile ukuyafisa kweneko.”

Nyimbo zya ndosya 1:12

Yakunena ali wensi uwapita pano yatenzi yati, “Silolesyini mwe! Uzye kwatala ikuya antu acula wakwe sweswe? Ukwene uli ucuzi uno Yawe watandetela uku cipyu cakwe cikalipisye.

Ezekelo 32:7

Lino ndakonona, ndavimba ulwelele nu kusisya intanda. Ilanzi ndalivimba ikumbi, nga umwezi nao utalawala.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Ezekelo 38:9

Alino lyene ulakatuka nu kwiza wa cipunga. Ulavimbilikizya impanga wi kumbi, wewe kwene, ivita vyako vyonsi ni mitundu iingi pamwi nawe.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Yowelo 1:6

Imikumbi yakwe makanta yatipona muno nsi, cikuloleka icamaka sana nupya citangapendwa. Amino yakwe yali wa mino yakwe cisama uwakalume. Amino yakwe yakalipa wa mino yakwe cisama uwakaci.

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yowelo 2:5

Yakutoloka apapela ya myamba nu kupanga icongo ungati amaceleta, yakuvwika wa makala ya moto yano yakooca inyemvu, wa vita vya maka ivyati viiteyanya uku kulwa inkondo.

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.

Amosi 4:13

Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Zakaliya 14:6

Kutalaya impepo nanti sile icifutika pa wanda uwo, nupya kutala ukwila.

Mateo 24:21

Pano pa nsita ilya, kulaya macuzi aipisye kuluta, yano atatazile yayeko kufuma lino insi yaumvilwe kufika na ndakai nupya yatalatala yayeko.

Mako 13:19

pano macuzi ya manda yayo yalaya aipisye kuluta yano insi yamanya kufuma ku utandiko lino Leza waumvile insi kufika na ndakai, nupya yatalatala yayeko.

Malango 32:7

“Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Ayebulai 12:18

Ku mwamba wa Sinai, uno uwakanga moto nupya uno mungakumya, akuno aina Izlaeli izile. Lelo mwemo mutiza kweneko, ukuli mfinzi, kufitulukila ni cipupu,

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

Umbwilo 9:2

Lutanda luyula ciwina caula impela, nga mufuma cunsi cikulu wa cunsi ca mwi lungu likulu. Nga ilanzi nu lwelele vifita fititi ku vyunsi vino vyafumanga mu ciwina caula impela.