Yowelo 2:19 - Amazwi Yakwe Leza 2013

¹⁹ Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.

Yowelo 2:19 ပူးပေါင်းရင်းမြစ်များ

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Ezekelo 34:29

Ndamezya ivyakulya ivya lulumbi mu vyalo vyao, mutalaya nupya ukucula uku nzala mu mpanga ni mitundu italayasuula nupya.

Ezekelo 36:15

Nemo nsikulonda ukuti nupya muce mwauvwa kuno antu ya mitundu yuze yakumutuka nu kumuwela. Mutakatale nupya mukiile imitundu yuze ana. Ivyalanda ne Yawe Simwandalali.”

Ezekelo 36:29

Ndamupususya ku makombezya yonsi. Ndakonkomezya ukuti ingano zikavulisye, apakuti nupya mutace mukaponelwe ni nzala.

Ezekelo 36:30

Ndaleka imiti inu ikasekesye viseekwa, nu kuvuzya ivyakulya mu vyalo vinu pakuti mutace mukaponelwe nupya ni nzala iyakumuletela insonyi uku antu ya mitundu yuze.

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Oseya 2:15

Kuku kwene akuno ndamuwezezya vyalo vyakwe vya matingi. Ndasenula Cifoloma ca Ntazi kuti ciye impongolo ya upaalilo. Nga kuku kwene akuno wene alazumila kunondi ndi vino wazumile lilya lino wali umwance, lino wene wafumile mu Eguputo.

Oseya 2:21

Yawe wavwanga wati, “Mu wanda ulya ndaasuka amapepo ya antu yane aina Izlaeli, ni mvula ilatonya pa mpanga ya pano pansi.

Oseya 2:22

Umusili nao ulapela uzombozi wa ngano, waini mupya na mafuta, amatingi nga ni miolivi.

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.

Yowelo 2:24

Apa lwano pene wavuzya ingano. Umu vina vyakupondelamo amatingi, namo wazuzyamo waini umupya, na mafuta kwene yatiyavulisya wakwe cimwi.

Aina Levi 26:5

Mukaatwalilila ukuzombola ivilimwa mpaka kufika ni nsita ya kukolonganika viseekwa. Nupya mukaatwalilila kukolonganika iviseekwa mpaka kufika ni nsita ya kukomela. Mukaalya mwikuta nu kwikala mu mpanga inu mutende.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Malango 11:14

Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Luti 1:6

Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.