Yowelo 2:16 - Amazwi Yakwe Leza 2013

¹⁶ Konganikini antu yonsi apali pamwi, muyanene kuti yaizilizye. Konganikini aikolo na ance kwene. Mukonganike nu tunya kwene utucili tukonka. Pelini ilamulo kuli siwinga na nawinga, kuti nayo kwene yafume umu ng'anda yao nu kwiza.

Yowelo 2:16 ပူးပေါင်းရင်းမြစ်များ

2 Milandu 20:13

Insita kwene ilya ala antu yonsi pyu a mpuka yakwe Yuda yatiyimilila pa mulola wakwe Yawe pamwi na aci yao na ana yao akulu na anono kwene.

2 Milandu 29:5

Lyene avwanga ati, “Tezini mwe ina Levi. Muipaatulule mweisikulu nu kuswefya Ng'anda ikulu yakwe Yawe, Leza wa vikolwe vinu. Sisini ivikowezya vyonsi mu Ncende Yamuzilo.

2 Milandu 30:17

Apa mulandu wakuti antu avule yataizifizye, yene yaposiwe ukukoma utwana twa mfwele utwakupeela apa Cimulo ca Ucilo. Ali cino fwandi aina Levi yayaombile umulimo uo, yapeela utwana twa mfwele utwa Cimulo ca Ucilo kuli Yawe.

2 Milandu 30:19

wiyo wensi wino wika umwenzo wakwe ku kulondalonda Yawe, Leza wa vikolwe vyakwe, nanti angala wene asi umuswefiwe ukulingana na masunde.”

2 Milandu 35:6

Fyulini imfwele zya Cimulo ca Ucilo, muiswefye, muisangulule nu kuikondola. Nupya ombelini anyonko pa kucita ndi muno Yawe wavwangile uku kanwa kakwe Mose.

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Masamu 19:5

Ali muno likatunka ungati asiwinga umuzange, wino akufuma umwakwe, ungati umuntu akucimvyanya mu kusimula ulwilo ni nsansa.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Kufuma 19:15

nupya Mose ayanena kuiteyanya pa wanda uwalenga yatatu, nu kuti pa nsita ii yatalinzile kumanyana pa musanzi.

Kufuma 19:22

Nanti yasimapepo kwene akupalama pipi na kunondi, suka yatala yaisangulula. Ndi asi vivyo, ndayavunuka.”

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Mateo 21:16

Alino yuzya Yesu yati, “Uzye ukuuvwa vino ana yaa yakuvwanga?” Yesu nawe aasuka ati, “Ee. Uzye mutawelenga mu malembelo vino Leza wavwanga ati, ‘Watusambilizya ana anono nga nu tunya tukoonka kukulumbanya cifumaluke.’ ”

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

Yoswa 7:13

“Ale fwandi katuka ukasangulule antu. Uyanene uti, ‘Isangululini mweisikulu apakuiteyanya pali vino vilacitika mutondo. Uyanene uti kuu kuli kulanda kwakwe Yawe, Leza wa ina Izlaeli ukwakuti, Pakasi kinu mukweti ivintu vino namunenyile ukonona, mwe ina Izlaeli mwe! Mulaposiwa ukulwa na anisi inu suka sile mwatala monona ivintu vivyo.’

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.

1 Samueli 16:5

Nawe aasuka ati, “Awe mukwai kuli cele. Niza sile ku kupeela impolelwa kuli Yawe. Mwemo muisangulule tuye swensi ku kupeela impolelwa.” Alino asangulula Yese pamwi na ana yakwe nga ayama ku kupeela impolelwa.