Yowelo 2:15 - Amazwi Yakwe Leza 2013

¹⁵ “Lizini intandala mu Zioni. Manyisyini antu kuti yafunge ukulya. Amini antu yonsi kuti yakongane.

Yowelo 2:15 ပူးပေါင်းရင်းမြစ်များ

1 Yamwene 21:12

Alino yalesya ukulya apa wanda onga, nga yakonganika antu pali ponga nu kupeela Naboti cilimba cikalamba ca mucinzi.

1 Yamwene 21:9

Mu makalata yayo walemvile amazwi ati, “Muce mufunge icakulya pa wanda onga. Alino mukakonganike antu pali pamwi. Naboti muce mumupeele cilimba cikalamba ca mucinzi.

2 Yamwene 10:20

Alino Yeu avwanga ati, “Konganikini antu pakuti kuye ukupepa Baali.” Nga antu yuma imbila wakwe cimwi.

Ezaya 1:13

Amawila inu auwelewele ntayakasi. Icinunu ca ubani uno mukumfutumwila cikundetela umuselu, nkusalokwa. Amanda yakulu inu, ivili wa wanda uwandoleko ya mwezi, Masabata inu na maukongano yauze, nayo kwene nemo nsikuyalonda. Vyonsi vivyo vyativikoweziwa uku viipe vinu.

Yelemiya 36:9

Cali mu mwaka walenga isano, umwezi wakwe fundimbali, pano Yeoyakimu mwana Yosiya watandikile kuteeka mu mpanga yakwe Yuda. Ali lino antu yatiile ukulya pamulandu wakupapata Yawe. Fwandi antu yonsi yano yafumile mu misumba yamu Yuda na ina Yelusalemu yatiile ukulya.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Mpendwa 10:3

Lino yalizya intandala zyao zyoili, iuvi lilinzile kukongana panuli, pa mulyango wi Taalu lya Ukongano.