Yowelo 2:1 - Amazwi Yakwe Leza 2013

¹ Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:1 ပူးပေါင်းရင်းမြစ်များ

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Masamu 87:1

A Leza uwa kuula umusumba wakwe pa mwamba wamuzilo.

Kufuma 10:14

Makanta aiza mu mikumbi mikumbi nga aandalila mu Eguputo monsi. Lyali ikumbi lyakwe makanta likulu cuze lino litatazile liloleke mwi landwe lya mpanga ya Eguputo nupya litalatala liloleke.

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

Ezaya 13:9

Wanda wakwe Yawe uliiza kwaula uluse. Ulaya uwanda wa ukali ni cipyu cikalamba. Ulasangula impanga iye amapooli nu konona kaifya wensi.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Yelemiya 16:10

“Lino ulanena umutundu uu amazwi yaa yonsi, nayo yalakuuzya yati, ‘Uzye pacani cino Yawe watusowelela ulanda utaikulila vii? Uzye umulandu cii uno twacita. Uzye uyi cii uno twacita kuli Yawe Leza witu?’

Yelemiya 16:7

Kutalaya nanti wenga uwakumokwela umukate kuli yano yakulosya apakuyatekezya umwenzo pali yano afwililwe. Kutalaya nanti wenga wakumumwesya amanzi akumutonsya ku mwenzo apa kulosya isi nanti nyina.”

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Ezekelo 12:23

Lyene uyanene uti, ‘Yawe Simwandalali walanda wati, Namaputula umunyanya wa mvwango iyo, nupya yatalatala yaiomvye umu Izlaeli. Uyanene nu kuti, amanda yali umupipi lino cila cilolwa cilafikiliziwa.

Ezekelo 21:12

Pomola impooma, nupya pundisya, we mwana wa muntu, pano ulupanga luu ulwa kusalipila antu yane ni ntunguluzi zyonsi zya ina Izlaeli. Ni ntunguluzi zilafwila pamwi na antu yonsi. Fwandi mwemo tungililini sile amakasa mu nzekete.

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Ezekelo 33:3

Nawe ndi walola kuno anisi yakupalama, alalizya intandala apakuceula antu yonsi.

Ezekelo 33:6

Lelo kalinda ndi walola anisi kuno yakwiza, wakana nu kulizya intandala ya kuceula antu, lyene anisi yangiza yayapumikizye, nu kuyakoma. Lelo kwene a kalinda ali wino ningapela umulandu apa mfwa yao.

Ezekelo 7:10

Eya! Asi papo uwanda wafikila wi lovyo! Awe lyene lwatatala. Ee, apapelela icilumba!

Ezekelo 7:12

Insita yafika. Wanda wapalama. Uculuzi wakukala ivintu nu kuvikazya umasila, pano Leza amakatukila yonsi ukali ukali.

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Danieli 9:20

Lyene ntwalilila kulanda nu kupepa, ala nkuilongwela amaifyo yane na maifyo ya antu yane aina Izlaeli nga nu kupapata uku Mwene kuti awezezye Ng'anda yakwe ikulu vino yali.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Yowelo 2:15

“Lizini intandala mu Zioni. Manyisyini antu kuti yafunge ukulya. Amini antu yonsi kuti yakongane.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yowelo 3:14

Amaumba na maumba ya antu yali mu Cifoloma ca Upinguzi. Pano Uwanda wakwe Yawe watiupalama apipi mu Cifoloma ca Upinguzi.

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Amosi 5:18

Kalanda kunomuli mwemuno mukalonda uwanda wakwe Yawe! Uzye uwanda kwene uo umukwatile muzano cii? Uwanda uo ulaya uwanda wa mfinzi kunomuli, asi uwanda wa luswepo awe.

Amosi 8:2

Yawe anguzya ati, “We Amosi, uzye walola cani?” Nani naasuka inti, “Nalola umuse wa viseekwa ivice.” Lyene Yawe anena ati, “Insita iya mpela ya antu yane aina Izlaeli yatifika. Nanti ciye uli, mpaka njavunuke.

Obadiya 1:15

Wanda wakwe Yawe ukwiza zuwa, lilyo lino wene alapingula imitundu yonsi ya antu. Mwe ina Edomu, vino mwacitila auzo avino mulacitilwa. Vino mwacisile ivilamuwelela.

Zefaniya 1:14

Uwanda ukulu wakwe Yawe uli mupipi, watiupalama, ala pasi pakukalauka ukufika! Uvwini! Uwanda ulya uwanda wa malanda nu kulilizika, pano ni vita viposye vilapunda tutulwe.

Zefaniya 1:16

Uwanda kwene ulya ulaya uwakulizyamo intandala, nupya uwa kawele ka nkondo, kako akalacitwa ni vita ivilalwisya imisumba ya malinga ni mpungu izitali.

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Zefaniya 3:11

Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Zakaliya 14:1

Lolini, uwanda wakwe Yawe ukwiza, lilyo lino ivisampwe vinu vilankanyiziwa apakasi kinu.

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mpendwa 10:2

“Panga intandala zyakwe siluva yaili akusula. Uce wayaomvya pa kwama iuvi napa kuyamanyisya ukutenuka pa nsakwe.

Mpendwa 10:3

Lino yalizya intandala zyao zyoili, iuvi lilinzile kukongana panuli, pa mulyango wi Taalu lya Ukongano.

1 Kolinto 14:8

Nupya ipenga ndi lyalila kwaula kuvwika ningo, uzye aweni angaiteyanya kuya ku kulwa kwa vita?

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Yakobo 5:8

Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

Umbwilo 6:17

Pano wanda wa ukali wao wati wiza, uzye lyene aweni angimilila?”