Yowelo 1:7 - Amazwi Yakwe Leza 2013

⁷ Wataonona umutingi wane, watavunola imisamvu yane. Wene watapandola imisambo yonsi nu kuvutulula imisisi nu kuisumbola. Imisambo yonsi wataisya ili mpee!

Yowelo 1:7 ပူးပေါင်းရင်းမြစ်များ

Masamu 105:33

Vyakontola ivilimwa vya matingi ni misamvu yao, kumwi ni miti umu mpanga yao.

Kufuma 10:14

Makanta aiza mu mikumbi mikumbi nga aandalila mu Eguputo monsi. Lyali ikumbi lyakwe makanta likulu cuze lino litatazile liloleke mwi landwe lya mpanga ya Eguputo nupya litalatala liloleke.

Kufuma 10:15

Makanta alimba pa musili ponsi ipafita paya na fititi. Alya vyonsi vino vitononyilwe ni mvula ya mawe, kumwi ni viseekwa vya miti kwene. Kutali ifwa nanti limwi ilyasile ku muti. Asinkitula vimelwa vyonsi mu mpanga ya Eguputo yonsi.

Ezaya 24:7

Amatingi nayo kwene lyene yakunyaluluka nu kufoota. Waini watatala apakumulola. Yonsi yano yuvwanga uluzango, lyene yatiyakungumala.

Ezaya 32:12

Ikampawilini sile amakasa pamulandu nu kuteeza ivyalo vinu ivivunde, vino vilononeka kumwi ni vyalo vinu vya matingi.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Yelemiya 8:13

Yawe wavwanga wati, “Nalondesyanga ku kolonganika antu yane ndi vino umulimi akakoozya ivyakulya. Lelo yene yakoline wa mutingi usi na matingi, wa musamvu usi na masamvu. Na mafwa kwene yumila kumwi. Caleka natinzumilizya ainamasi kuti yapoke icalo.”

Oseya 2:12

Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Yowelo 1:12

Umutingi uuma, nu musamvu wafota. Nu mupomegeleneti, ni vyazi, nu muapo, nga ni miti yonsi ikaseeka ivizao munonsi, yene yatifota nu kuuma. Cumi kwene uluzango lwa antu lwasilila limwi.

Amosi 4:9

“Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.