Yowelo 1:4 - Amazwi Yakwe Leza 2013

⁴ Icintu consi cino ivikwe vyasile, makanta wizile alya. Na cino makanta wasile lulele nawe wizile alya, mpaka avivyo kwene kutali ni casile.

Yowelo 1:4 ပူးပေါင်းရင်းမြစ်များ

1 Yamwene 8:37

“Ndi cakuti cipowe nanti impungo yatuponela, limwi ivyakulya vyononeka ku cilala nanti umuza wakukonkotanika amafwa, nanti vyavuvuma, nanti vyaliwa ku tuzizi nanti makanta, nanti antu yako yayazanza ku anisi yao, nanti yaponelwa nu ulwale umwi uwa musango uli onsi,

2 Milandu 6:28

“Na lino icipowe nanti impungo yapona umu mpanga ii, limwi nanti ivyakulya vyononeka uku mvuvuma, nanti makanta nanti ivikwe, nanti lino anisi yazanza antu yako mu musumba wao uli onsi, nanti yaponelwa nu uzanzo uli onsi nanti indwala ili yonsi,

2 Milandu 7:13

“Ndi cakuti nayala amayulu ni mvula yakana ukutonya, nanti nanena makanta ukulya ivilimwa vyao nanti natumila antu impungo,

Masamu 105:34

Apeela iceo, na makanta aiza nga ni vikwe ivisi vyakupenda.

Masamu 78:46

Wayatumile ivikwe ivyakuyalila ivyakulya na makanta uwononyile ivyalo vyao

Kufuma 10:4

Ndi cakuti watwalilila kukomya umwenzo ndalenga makanta kuti aize mutondo mu mpanga yako

Kufuma 10:5

Makanta alavula cuze nu kwandatila impanga yonsi ya Eguputo cakuti musili utalaloleka. Alalya vimelwa vyonsi vino vyasile ku mvula ya mawe, ni vimiti kwene ivyasile alatondola.

Ezaya 33:4

Yakakolonganika ivisampwe ungati amakanta. Nu kutoloka yakatoloka wakwe makanta.

Yelemiya 51:14

Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Amosi 4:9

“Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Amosi 7:1

Vii ali vino Yawe Simwandalali wandangizye umu cilolwa: Yawe wapanzile icikundi cakwe makanta apa nsita ino umwene ala watamala mpiti ukwipa isote, lilyo ala nu mulemvwe watiumela iila lyakwe ciili.

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.

Malango 28:38

“Mulakomela imbezu zivule, lelo utwa uzombozi tulaya utwa ciwelewele, pamulandu wakuti makanta nawe alalya ivyakulya vinu.

Malango 28:42

Makanta alonona imiti ni vyakulya vyamu mpanga inu vyonsi.