Yowelo 1:14 - Amazwi Yakwe Leza 2013

¹⁴ Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yowelo 1:14 ပူးပေါင်းရင်းမြစ်များ

2 Yamwene 10:20

Alino Yeu avwanga ati, “Konganikini antu pakuti kuye ukupepa Baali.” Nga antu yuma imbila wakwe cimwi.

2 Milandu 20:13

Insita kwene ilya ala antu yonsi pyu a mpuka yakwe Yuda yatiyimilila pa mulola wakwe Yawe pamwi na aci yao na ana yao akulu na anono kwene.

Neemiya 8:18

Cila wanda ukutandikila apa wanda uno yatandikile ukongano wa nsakwe, ukufika napa wanda uwakusyalikizya, Ezila wawelengelanga antu amazwi amu lupapulo lwa Masunde yakwe Leza. Yacindike icintu cii, apa manda cinimbali. Umu wanda wakwe cinani ali muno yacisile ukongano ukalamba uwamuzilo, ndi vino calembwa mu Mpapulo zyakwe Mose.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Yelemiya 14:2

“Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Yelemiya 36:9

Cali mu mwaka walenga isano, umwezi wakwe fundimbali, pano Yeoyakimu mwana Yosiya watandikile kuteeka mu mpanga yakwe Yuda. Ali lino antu yatiile ukulya pamulandu wakupapata Yawe. Fwandi antu yonsi yano yafumile mu misumba yamu Yuda na ina Yelusalemu yatiile ukulya.

Yowelo 1:2

Mwemo mwe ikolo, siuvwini. Teyini amatwi, mwensi mwemuno mwikala mu mpanga ya Ayuda. Uzye vii vino mwalola vyatala vyamuponela umu nkulo inu nanti umu manda ya vikolwe vinu?

Aina Levi 23:36

Pa manda cinimbali, cila wanda mulinzile ukupeela amawila akocela Yawe. Nupya pa wanda uwalenga cinani mulinzile kukongana pamwi ku mapepo nu ku kupeela amawila akocela Yawe. Uu, uwanda wa mapepo nupya mutalinzile ukuomba umulimo nanti umwi.

Yona 3:5

Antu amu Ninive yataile Leza. Alino iyuma imbila kuti umuntu ali wensi ate ukulya, nga antu yonsi kwene, ukutandika pa mukulu mpaka ukufika na pa munono kwene, iyazwala vyakuzwala vyakulanga ulanda.

Yona 3:8

Antu yalinzile ukuzwala vyakuzwala vyakulanga ulanda nga ni nyama nazyo muzivimbe ni vyakuzwala kwene vivyo. Cila muntu alinzile apimpe ukupepa kuli Leza. Endi, umuntu ali wensi alinzile ukuta imisango yakwe ya nkota kumwi ni vicitwa vyakwe viipe.

Zefaniya 2:1

Mwe antu amu luko ulusi na nsonyi, si elenganyini ningo nga muzenzuke