Yowelo 1:13 - Amazwi Yakwe Leza 2013

¹³ Mwe yasimapepo, si zwalini vyakuzwala vyandosya, alino muyume apa visao pamulandu wa ulanda uwatiutuponela. Lilini mwemuno mukatumikila apa tuvuwa. Zwalini muivimbe ivizwalo vya ulanda uwanda onsi. Mwe aomvi yakwe Leza winu.

Yowelo 1:13 ပူးပေါင်းရင်းမြစ်များ

2 Samueli 12:16

Davidi wapapatile sana umwana wakwe kuli Leza pamulandu wa kulwala kwakwe. Davidi mpaka ata nu kulya nga aya umu ng'anda umwakwe nga alambalala pansi usiku onsi.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Yelemiya 4:8

Acino zwalini ivyakuzwala vya ndosya, mulile nu kupomola impooma, pano ukali wakwe Yawe pali sweswe utalatala usile.”

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Ezekelo 21:12

Pomola impooma, nupya pundisya, we mwana wa muntu, pano ulupanga luu ulwa kusalipila antu yane ni ntunguluzi zyonsi zya ina Izlaeli. Ni ntunguluzi zilafwila pamwi na antu yonsi. Fwandi mwemo tungililini sile amakasa mu nzekete.

Ezekelo 27:31

Yalapeela inkuzu pamulandu wako nu kuinyepelela amasaka mu misana. Mu kutovoka kwao, yalasaula ulwimbo lwa ndosya umu kunyunguluka.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Oseya 9:5

Uzye apa wanda wakuzevya, wanda wakucindikilamo Yawe, antu yayo yalacita cani?

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Mpendwa 28:4

Imfwele, suuku wenga, ali mpolelwa yakungocela akatondo, nga muze nawe amanguzi.

Mpendwa 28:7

Ivyakumwa vino yali nu kulunda penepo, vili nu kuya amawotolo yaili yakwe waini pali cila mfwele yonga. Ni vyakulya vivyo ivyakupeela kuli Yawe, yali nu kuviitila mu Ncende Yamuzilo.

Mpendwa 29:6

Vii, ali vyakulunda pa wila wakoca uno yakupeela cila wanda pa wanda wakutandika wa cila mwezi ukulunda penepo pa wila wa cakulya nga nu wila wa vyakumwa. Yene amawila akocela Yawe, amununko usuma ukazanzya Yawe.

1 Kolinto 4:1

Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

1 Kolinto 9:13

Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”