Yowelo 1:12 - Amazwi Yakwe Leza 2013

¹² Umutingi uuma, nu musamvu wafota. Nu mupomegeleneti, ni vyazi, nu muapo, nga ni miti yonsi ikaseeka ivizao munonsi, yene yatifota nu kuuma. Cumi kwene uluzango lwa antu lwasilila limwi.

Yowelo 1:12 ပူးပေါင်းရင်းမြစ်များ

Masamu 4:7

We Yawe, wazanzya umwenzo wane, ukuluta na pali yano yakwatisya ingano na waini umupya.

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Lwimbo lwakwe Solomoni 2:3

Wakwe vino umu apo ukaya pakasi ka vimiti vyamu mpanga, avino nu mukundwe wane waya pakasi ka aonsi. Nemo nakunda cuze ukupuuza mu cisao cakweo, ni viseekwa vyakweo pasi pakulyompa mu kanwa kane.

Lwimbo lwakwe Solomoni 4:13

Amuno muli imbezu izitekete. Zikakula kwati umu calo ca miti ya mipomegeleneti nu kuseeka iviseekwa vipusanepusane visuma cuze, na maluwa ya misango misango.

Ezaya 16:10

Kusi nanti wenga asansamwike mu vyalo vya muvundo. Kusi nanti umwi akupunda nanti ukwimbila umu vyalo. Kusi nanti aumwi akufena amatingi apakupanga waini.

Ezaya 24:11

Antu yakuinong'onya umu miseo apakuulilwa waini. Insansa zyatizisililikila sile, nu kusansamuka kwati kusila umu nsi.

Ezaya 24:7

Amatingi nayo kwene lyene yakunyaluluka nu kufoota. Waini watatala apakumulola. Yonsi yano yuvwanga uluzango, lyene yatiyakungumala.

Ezaya 9:3

Wayavuzizya isyuko nu kuyavuzizya uluzango. Yakasansamuka kunuli ndi vino yakasansamuka apa kuzombola na vino yakazanga apakwankana ivyuma visampwe.

Yelemiya 48:3

Inkuuta azizyo. Uvwini vino aina Holonaimu yakupunda yati, ‘Ala cinduvyanya nu ononyi mwe!’

Yelemiya 48:33

Uluzango ni nsansa vyativifuma mu mpanga ya Moabu. Natindesyanya ukupangwa kwakwe waini. Kusi umwi akuzangila pa kufena amatingi, ni congo icili mwenemo cisi congo ca luzango awe.

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.

Yowelo 1:16

Ivyakulya vitu vikusila lino swemo tukulola na manso ntontonto. Umu Ng'anda ikulu yakwe Leza witu musi insansa nanti ukuseka.

Yona 4:7

Lelo apa wanda uwalondelela apa macaca Leza atuma cizizi cino yakati kulila, nga kulila nawe alya icimelwa cakuti icitandika nu kuuma.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.

Mpendwa 13:23

Lino yafisile ku cifoloma caku Esyikoli, ali kuno yakontwile musambo uwaseesile mukungo wa matingi. Antu yaili ayano yapinga mutembo. Yakuntula iviseekwa vya pomegeleneti na masamvu, iyasenda.