Yoswa 8:3 - Amazwi Yakwe Leza 2013

³ Acino Yoswa ni vita vyonsi yafuma iyaya ku kuzanza umusumba wa Ai. Wene asolola asilika yakwe azwangane ukulingana na antu mazimbi amakumi yatatu nga ayatuma usiku

Yoswa 8:3 ပူးပေါင်းရင်းမြစ်များ

Kufuma 17:9

Mose apeela ilamulo kuli Yoswa ati, “Solola aonsi yamwi kuti yace yakalwe na ina Amaleke mutondo. Nemo ndimilila pa mwamba papeela, ale natintumpula intuwa ino Leza wanenyile kusenda.”

Mateo 24:39

Lelo yatamanyile icali nu kucitika kufika lino mulamba wizile asenda yonsi kwene. Mu musango uli onga avino cilaya pa kwiza kwa Mwana wa Muntu.

Mateo 24:50

lyene mwene wa muomvi aliza pa wanda uno asikwenekela, na pa kasita kano atamanyile.

Mateo 25:6

“Lelo usiku pakasi yuvwa kulaizya kukuti, ‘Siwinga wiza! Fumini mumukomanye!’

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Yoswa 10:7

Acino Yoswa pamwi ni vita vyakwe vyonsi, ukwikapo na asilika yakwe yonsi azwangane, iyatandika ulendo ukufuma ku Giligali.

Yoswa 8:2

Ulacitila umusumba wa Ai nu mwene wauko vivi kwene vino wacitile umusumba wa Yeliko nu mwene wauko, suka sile ivisampwe nga ni viteekwa vyene mungasenda. Tuma ivita ivya kuyateyamila kunzi ya musumba ulya.”

Yoswa 8:4

ayapeela ilamulo lii ati, “Yangini mukayateyamile kunzi ya musumba. Mutezya kuya ukutali ukufuma ku musumba. Mwensi kwene muiteyanye ningo.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

Yakapingula 9:32

Acino fwandi ukatuke pamwi na antu yako usiku, muye mukafisame umu mpanga.