Yoswa 7:9 - Amazwi Yakwe Leza 2013

⁹ Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Yoswa 7:9 ပူးပေါင်းရင်းမြစ်များ

Masamu 115:1

Awewe sile wenga, we Yawe, ala awewe wenga sile. Wewe sile ulinzile ukucindikwa, asi sweswe foo. Wewe sile ulinzile ukucindikwa apa luse lwako ulwa pee na paufuma cumi wako.

Masamu 48:10

Antu yakakulumbanya mpanga yonsi, nu lulumbi lwako lwalimba insi yonsi. Ee, icacumi, kwene ukateeka umu kulungika.

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Masamu 83:4

Yene yakuvwanga yati, “Katwapita tuye tukalovye umutundu wao onsi, apakuti izina lya ina Izlaeli likililikwe.”

Masamu 83:5

Yatiyapangana nupya yatiyuvwana ukwiza uku kulwisya.

Kufuma 32:12

Uzye mukulonda kuti aina Eguputo yakavwange yati, wayafumizye mu Eguputo nu uteyanyo wakuti ukayakome ku myamba nu kuyonona yonsi pyu? Wezya umwenzo wako, utonona antu yako lelo uyelele.

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Mpendwa 14:13

Lelo Mose nawe anena Yawe ati, “Wewe wafumizye antu yaa mu Eguputo, ku maka yako. Lino aina Eguputo yaluvwa vino watucitila antu yako,

Yoane 12:28

Tata, langa antu yonsi lulumbi lwi zina lyako!” Alino izwi lifuma mwiyulu liti, “Nati ndangizya antu lulumbi lwane nga ndacita cii nupya kwene.”

Malango 9:28

Pano limwi, antu amu mpanga ino mwatufumizyeko yangavwanga ukuti pamulandu wakuti wemo waposiwe kutwala antu yaa mu mpanga ino wayalavile, na pamulandu wakuti wemo wayapata, acino wayafumizye uyaleta mu lwanga kuti uyakome.

Yoswa 7:10

Alino Yawe anena Yoswa ati, “Si katuka! Uzye icani cino ufupime pansi mu musango ndi uwo?

Yoswa 7:8

Owe Mwene! Uzye namalanda cani, pasi pano aina Izlaeli yatiyapuuka anisi yao?

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.