Yoswa 6:4 - Amazwi Yakwe Leza 2013

⁴ Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Yoswa 6:4 ပူးပေါင်းရင်းမြစ်များ

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

1 Yamwene 18:43

Alino anena umuomvi wakwe ati, “Yanga kasungamile kuli yemba.” Umuomvi wilya akuno aya, nga lino waweluluka kuli Eliya amunena ati, “Ntaweni kweneko nanti cimwi.” Mpaka suka icifika amaila cinimbali, ale Eliya akumutuma ukuyalola kuli yemba.

2 Yamwene 5:10

Alino Elisya atuma inkombe yakwe ku kuyanena Naamani iti, “Yanga ukowe amaila cinimbali mu luzi lwa Yodani, alino umapola, uswefiwe.”

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

2 Milandu 20:19

Lyene aina Levi, ana yakwe Koati na ana yakwe Kola ala yatiyimilila kuti yalumbanye Yawe, Leza wa ina Izlaeli, ala yakupundisya.

2 Milandu 20:21

Lino yatandika ukuuzyanya pakasi kao, alino yasozile yamwi akwimbila nu kulumbanya Yawe, yene ala yatiyazwala ivitiswe, na yakatungulula ala yakuvwanga yati, “Lumbanyini Yawe, pano ulukundo lwakwe lusisila, lelo ulwa manda pe.”

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Aina Levi 14:16

Lyene atimpike umunwe wakwe wa kwi kasa lilunji mu mafuta, alino asanse amafuta nu munwe wakwe maila cinimbali pa manso yakwe Yawe.

Aina Levi 4:6

Alino atimpike umunwe wakwe mu wazi, nga pa manso yakwe Yawe asanse uwazi uwo maila cinimbali ku nkolelo ya nsalu ino yacinga Ncende Yamuzilo.

Zakaliya 4:2

Alino anguzya ati, “Uzye icani cino ukulolekesya?” Nga nani imwasuka inti, “Nkulolekesya cakutekapo inyali, naco cili sile cakwe zaabu mutuputupu, nkulolekesya na pa musazi wa mafuta uli papela yakweco, nga ni nyali penepo cinimbali. Inyali zyonsi yonga yonga zyakweti vipongo vya utambi cinimbali.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mpendwa 23:1

Alino Balamu anena Balaki ati, “Unkuulile tuvuwa cinimbali, nga unteyanyizizye ni ng'ombe, yacipambasi cinimbali alino na yasuuku cinimbali.”

Yoswa 6:13

Alino yasimapepo cinimbali asenzile intandala cinimbali iyakolelela Mbokosi ya Upangano yakwe Yawe yala yakulizya intandala. Ivita ivyakucingilila iviyakolelela nga ni vita ivyakufundikizya vila vilondelile Mbokosi ya Upangano yakwe Yawe, ni ntandala zila zikulila lino yakupita.

Yoswa 6:3

Wewe pamwi ni vita vyako vyonsi mulinzile ukuzinguluka umusumba, mula mukuuzinguluka iila lyonga cila wanda pa manda mutanda.

Yoswa 6:5

Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 10:3

nga apunda ni zwi likulu lino lyuvwikanga wa cilulumo cakwe yacisama. Pacisila cakupunda, kwali kupangalansya maila cinimbali.

Umbwilo 15:1

Nupya ndola cilangililo cikulu cakuzunguka nacuze mwiyulu. Angeli cinimbali yaloleka ala yakweti vilumbelo cinimbali. Vilumbelo vii ivyakusyalikizya, pano amuno ukali wakwe Leza wasilila.

Umbwilo 15:7

Lyene ciumbwa conga pa viumbwa vyaumi vini cipela angeli cinimbali ingeso cinimbali zyazilemo ukali wakwe Leza wino uwa umi manda pe.

Umbwilo 16:1

Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Umbwilo 5:1

Nupya naweni lupapulo mwi kasa lilunji lyakwe wino uwatenzi pa cilimba ca wene. Lwene lwakweti amalembo kulimvya imbali zyoili zyakwelo. Lwene lwalematikwe ni vimanyililo cinimbali.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 8:2

Lyene ndola angeli cinimbali yano akaimilila nkolelo yakwe Leza, yapeelwa ntandala cinimbali.

Umbwilo 8:6

Alino angeli cinimbali yano akweti ntandala cinimbali yaiteyanya pakuti yalizye.