Yoswa 6:2 - Amazwi Yakwe Leza 2013

² Lyene Yawe anena Yoswa ati, “Lola, Natimpeela umusumba wa Yeliko nu mwene wauko nga ni vita vyakweo mu makasa yako. Wewe kumwi ni vita vyako mulinzile ukupita nu kuzinguluka umusumba ulya iila lyonga. Mulinzile ukucita ci pa manda mutanda.

Yoswa 6:2 ပူးပေါင်းရင်းမြစ်များ

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

Neemiya 9:24

Fwandi ali vino ana yano yingile mwenemo yaipoka nu kuipoka. Yazanzile aina Kenani mpaka yazuka yaya zii, kumwi na yamwene ya mwenemo na antu yao, yayanyata yacita na vino yakulonda kunoyali.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Malango 7:24

Wene alika yamwene yao mu makasa inu. Namwe mulayakoma, nga antu yalayilila. Kusi umwi alamulesyanya ukucita cico. Mwemo mulonona yonsi pyu.

Yoswa 12:9

Yamwene yano wacimvizye aya: umwene waku Yeliko, umwene waku Ai pipi nu ku Betele,

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 2:9

nga azinena ati, “Manyile ukuti Yawe watapeela impanga ii kunomuli nu kuti ingofyo izya pali mwemwe zyatizituponela, cakuti umuntu wensi mu mpanga ii akuzakaza ku ntete pamulandu winu.

Yoswa 20:1

Lyene Yawe anena Yoswa ati,

Yoswa 6:1

Umusumba wa Yeliko yaukuulilile ilinga ningo sana pamulandu wa koopa aina Izlaeli. Kutali umwi uwakwingila mwenemo nanti ukufumila ukunzi.

Yoswa 6:3

Wewe pamwi ni vita vyako vyonsi mulinzile ukuzinguluka umusumba, mula mukuuzinguluka iila lyonga cila wanda pa manda mutanda.

Yoswa 8:1

Lyene Yawe anena Yoswa ati, “Utuvwa intete nanti ukutonsiwa. Senda ivita vyonsi, nga mupite ku kuzanza umusumba wa Ai. Pasi pano natimpeela umwene waku Ai mu makasa yako, kumwi na antu yakwe, umusumba wakwe nga ni mpanga yakwe.

Yakapingula 11:21

Lelo Yawe, Leza wa ina Izlaeli, apeela Siooni kumwi na antu yakwe yonsi mu makasa ya ina Izlaeli, yao acimvizye aina Amoli nu kwikala mu mpanga yao yonsi mu muputule wa mpanga ilya.

Yakapingula 11:24

Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.