Yoswa 5:6 - Amazwi Yakwe Leza 2013

⁶ Aina Izlaeli yazeulukanga mu lwanga imyaka amakumi yani suka aonsi yonsi ali vita mu luko iyafwa, yonsi afumile mu Eguputo yano yatayezile Yawe. Pano Yawe walafile kunoyali ukuti yatalatala yalole impanga ino wene walavile ivikolwe vyao ukuti alaipeela kunotuli, impanga ilya ikulu nupya ivunde cuze.

Yoswa 5:6 ပူးပေါင်းရင်းမြစ်များ

Masamu 107:4

Yapulupuntanga umu lwanga, nu mu mapoli. Yatazanyile umusumba umwakwikala.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Ezekelo 20:15

Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Yowelo 3:18

“Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Mpendwa 14:23

Kusi nanti wenga alingila mu mpanga ino nalavile ukupeela ivikolwe vyao. Kusi nanti wenga muli yonsi ali ni misuli kunondi alingila mwenemo.

Mpendwa 26:63

Fwandi yaa ali yano yapenzilwe kuli Mose na kuli simapepo Eleaza. Yapenzile aina Izlaeli ala yali ku manyika aku Moabu, mu pipi na Yodani ulunga na Yeliko.

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Malango 2:14

Ukutandikila pano twakatukile ku Kadesyi Banea ukwizafika na pano twalambile Luzi lwa Zeledi, papisile imyaka amakumi yatatu na cinani. Lilyo ala asilika yonsi yafwa, wakwe vino Yawe walafile kunoyali.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Malango 8:4

Umu myaka ii amakumi yani vyakuzwala vinu vitasila, nanti ni ngazo zinu zitatala zyavimba.

Ayebulai 3:11

Nali musoke nu kulapa inti, ‘Yene yatalatala ingile mu mpanga ilya mu kupuza kuno nange njapele!’”

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yoswa 24:7

ivikuta kunondi, nga nawe aika akanda pakasi kao na ina Eguputo. Alino aleka na yemba wilya awela nu kwiza tuwizya aina Eguputo. Mwailolile na manso inu vino nacitile aina Eguputo.’ ” “Mwatenzi mu lwanga pa nsita ntali.

Yoswa 5:5

Antu yonsi afumile mwenemo yasilamwilwe, lelo antu yonsi avyalilwe mu lwanga mu nsita iya lwendo ukufuma mu Eguputo walanga yatali yasilamulwe.

Yoswa 5:7

Acino ana yao yano Yawe wapyanikile penepo pa cifulo cao, ali yano Yoswa asilamula. Yene wayasilamwile pamulandu wakuti pa lwendo lwao walanga yatali yasilamulwe