Yoswa 5:1 - Amazwi Yakwe Leza 2013

¹ Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Yoswa 5:1 ပူးပေါင်းရင်းမြစ်များ

Utandiko 12:6

Abulamu aendezya mpanga asuka afika nu ku Syekemu ku cifulo ca muti wamuzilo waku Mole. Pa nsita ilya ala aina Kenani yacili ikala mu mpanga ilya.

Utandiko 48:22

Nkunena wewe Yosefu, asi anyonko foo ukuti nkukupeela ciputulwa ca Syekemu, impanga ivunde cuze ino napokolwile ku ina Amoli pa kuyalwisya ku lupanga lwane nu ulapwa.”

2 Samueli 21:2

Aina Gibyoni yatali aina Izlaeli. Yene yali akaliumba akanono ka ina Amoli kano aina Izlaeli yalavile nu mulapo ukuti yamayacingililanga. Lelo Saulo alonda kuyakoma, pamulandu wa muzonda uno wakwatile aina Izlaeli na ina Yuda.

1 Yamwene 10:5

Alola ni cakulya icali pi tebulo lyakwe, nu mukaikala yacilolo yakwe, na aomvi yakwe yano yamutumikilanga ale yazwite imingila, yakatumikila ya lwako lwakwe, na mawila akoca yano wapeezile pa kavuwa kakwe Yawe. Namwene wiyo aya kwati watafwa icipafi, amangala wakwe cimwi.

Ezila 9:1

Pacisila lino vyonsi vii vyacitika, nga intunguluzi zimwi iziza kunondi iziti, “Aina Izlaeli pamwi na yasimapepo nga na ina Levi yataizilizye ku utwazi ni mitundu ya inamasi iyatuzinguluka. Iyi, imitundu ya ina Kenani, Hiti, Pelizi, Yebusi, Amoni, Moabu, Eguputo na ina Amoli. Yene yakucita ivyawinyi ndi vino ainamasi yonsi yakacita.

Masamu 135:11

ali wakwe Siooni, umwene wa ina Amoli, na Ogi umwene waku Basyani, nga na yamwene yonsi aku Kenani.

Kufuma 23:28

Ndalenga kuti aina Hivi, aina Kenani nga na ina Hiti yutuke lino mutacili mufikeko, nupya yalutuka wa antu yano yalumwa na mavu.

Ezaya 41:5

Antu ya mpanga ntali yalola vino nemo nacita, ni ntete ziyalema yazakaza nu kuzakaza. Fwandi ali cino yonsi yakongana yiza.

Ezekelo 16:3

Munene ndi vino Yawe Simwandalali wanena Yelusalemu ati, ‘Kuno wafuma apakuti wize uvyalwe uku Kenani. So, wali umwina Amoli, nyoko nawe umwina Hiti.

Ezekelo 21:7

Ndi yakuuzya umulandu uno ukutolomela, uyasuke uti, ‘Apamulandu wa vintu vino vyasya vicitike.’ Yanene ukuti kwatikwiza izwi lyakuti imyenzo yonsi ilakulukunta pamulandu ni ntete, amakasa yao yalatolompoka, amano yao yalapela, mu nteo zyao mulapomponteka. Icali nu kufikila, ala cafikila. Ivyalanda ne Yawe Simwandalali.”

Danieli 5:6

Alino wene afinya pa manso nupya intete zimulema wakwe cimwi cakuti atandika kuzakaza umu nteo.

Amosi 2:9

“Lelo manyini ukuti nononyile aina Amoli pamulandu winu, kumwi nu wa mbezu, nanti angala yene yali atali wa miti imikelide, nanti angala yene yali na maka wa miti imioko.

Mpendwa 13:29

Aina Amaleke yakaikala mu Negebu, nga aina Hiti, na ina Yebusi, na ina Amoli yakaikala mu mpanga ya myamba. Na ina Kenani nayo yakaikala mu nkumba yakwe Yemba Muyenzu nu mu nkumba ya Luzi lwa Yodani.”

Yoswa 17:12

Lelo amu mutundu wakwe Manase yaposiwe ukuzinga aina Kenani aikalanga mu misumba ii. Pasi pano aina Kenani yakonelile mwenemo.

Yoswa 17:18

Impanga ya myamba imaya iyakwinu. Nanti mungaya imiti uli, muli nu kuiseta pakuti mwikale mwenemo ukutandikila ku lutwe longa mpaka ukufika nu ku lutwe luze. Nanti aina Kenani yakweti amaceleta ya vyela, nanti yangaya akome, mwemo mungayazinga mwenemo.”

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Yoswa 3:17

Yasimapepo asenzile Mbokosi ya Upangano yakwe Yawe yimilila silili pa musili uume apakasi ka Luzi lwa Yodani, nga aina Izlaeli yonsi yala yakulamba, mpaka uluko lonsi ilulamba.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

Yakapingula 11:23

Ale lyene vino Yawe, Leza wa ina Izlaeli, watazingila aina Amoli kunzi pakuti cizipile aina Izlaeli, uzye insambu ci ino ukweti iyakutola icifulo cao?

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.

Yakapingula 4:2

Acino Yawe alenga kuti Yabini, umwene umwina Kenani ayacimvye. Wene wali umwene uwamu musumba wa Hazoli. Na musika mukalamba uwa vita vyakwe wali a Sisela wino wikalanga ku Halosyeti Hagoyimu.

1 Samueli 25:37

Lyene akatondo lino waini wakololoka Nabali, umuci amunena ivintu vii vyonsi. Nga lino Nabali uvwa vivyo afwa icipafi, nga alambalala papa wa mulando.