Yoswa 4:8 - Amazwi Yakwe Leza 2013

⁸ Aonsi yalya iyalondela amalamulo yakwe Yoswa. Iyasola amawe yalya ikumi na yaili apakasi ka Luzi lwa Yodani, ukulingana ni mpendwa ya mitundu ya ina Izlaeli, wakwe vino Yawe wapeezile ilamulo kuli Yoswa. Apali pa kuyasenda nu kuya yika pansi mu nsakwe zyao.

Yoswa 4:8 ပူးပေါင်းရင်းမြစ်များ

Kufuma 12:28

Lyene aina Izlaeli yaya yacita wakwe vino Yawe wapeezile ilamulo kuli Mose na Aaloni kuti yacite.

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Yoswa 4:20

Alino ku Giligali Yoswa asimpa amawe yalya ikumi na yaili yano yafumizye mu Luzi lwa Yodani.

Yoswa 4:9

Yoswa atoola amawe ikumi na yaili nga ayasimpa apakasi ka Luzi lwa Yodani, papa kwene pano yasimapepo asenzile Mbokosi ya Upangano yimilile. (Napilelo kwene amawe yayo apano yacili.)