Yoswa 4:18 - Amazwi Yakwe Leza 2013

¹⁸ Lino sile yasimapepo yalya asenzile Mbokosi ya Upangano yakwe Yawe yacifuma ukunzi ku cituntu ca Luzi lwa Yodani, uluzi nupya ilutandika ukupita nu kusambela monsi wakwe vino cali inkolelo.

Yoswa 4:18 ပူးပေါင်းရင်းမြစ်များ

1 Milandu 12:15

Umu mwezi wakutandika umwaka, lino Luzi lwa Yodani lukasambela, ali lino yene yalambwike. Iyapuusya na antu yonsi pyu aikalanga mu nyika zya mbalama zyonsi zyoili, ku ufumondaka nu ku uwondaka kwene.

Ezaya 8:8

Yaliza yapongwele impanga ya Yuda nu kuiunzya mpaka antu yamwele ukufika nu munsingo zyao. Mulamba wiyo alalimba impanga yako yonsi, Iye, we Imanueli!”

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

Yoswa 3:15

Lyene Luzi lwa Yodani lukasambela monsi mu nsita yonsi iya uzombozi, nga lelo zuwazuwa lino yasimapepo asenzile Mbokosi ya Upangano yafika ku Yodani nga ni ngazo zyao zyakumya amanzi mu mbali,

Yoswa 4:11

nga zuwazuwa lino yonsi kwene yamala ukulamba, yasimapepo iyakolelela antu yonsi yala yasenzile Mbokosi ya Upangano yakwe Yawe.

Yoswa 4:17

Acino Yoswa apeela ilamulo kuli yasimapepo, ati, “Fumini umukasi ka Luzi lwa Yodani.”

Yoswa 4:19

Pa wanda uwalenga ikumi, mu mwezi wakutandika antu yalamvile Luzi lwa Yodani, iyaya yakuula insakwe mu Giligali pa mupaka waku ufumondaka wa musumba wa Yeliko.