Yoswa 4:12 - Amazwi Yakwe Leza 2013

¹² Amu mutundu wakwe Lubeni, na wakwe Gadi nga nu mutundu pakasi wakwe Manase ali yano yakolelile aina Izlaeli yonsi ala iyaipangasya ivyanzo, wakwe vino Mose wayatungulwile.

Yoswa 4:12 ပူးပေါင်းရင်းမြစ်များ

Kufuma 13:18

Lelo Leza alenga antu kuti yazinguluke ku museo uwapita ku lwanga ukuya kuli Yemba Muyenzu. Aina Izlaeli yali aipangasye pa kufuma mu Eguputo.

Mpendwa 1:24

Ukufuma mu amu mupanda wakwe Gadi, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

Mpendwa 32:17

Lyene alino swemo sweisikulu tulasenda ivyanzo nu kukolelela aina Izlaeli pa nkolelo. Tulayatwala nu ku ncende ino yayasontelile. Ana itu yalasyala yakwikala mu misumba izingulusye na malinga ku mulandu wa kuyacingilila ku ikazi ya mpanga ii.

Malango 3:18

“Pa nsita ilya ali lino nayapile amalamulo ya, inti, ‘Yawe Leza witu watamupeela impanga ii yaku ufumondaka wa Luzi lwa Yodani kuti mupoke amuno mwaikala. Fwandi lyene leka asilika yonsi yaipangasye nga uyatume ku mbalama ya Luzi lwa Yodani yakolelele imitundu yuze ya ina Izlaeli, kuti yakayazwilizye ukupoka impanga nu kwikala mwenemo.

Malango 33:21

Yene yasolwile impanga isuma wakwe cimwi. Yatengilwe impanga yakupeela ku ntunguluzi. Yene yayezile amalamulo na masunde yakwe Yawe Lino intunguluzi zya ina Izlaeli zyakongine pamwi.”

Yoswa 1:14

Acino fwandi aci inu, na ana inu, pali pamwi ni viteekwa vinu, yene yali nu kusyala kuno mbalama ku mpanga ino Mose wamupeela lwaku ufumondaka wa Luzi lwa Yodani. Lelo ivita vinu, vyonsi vino vyativiipangasya ku kulwa inkondo, vilinzile kulamba luzi lulu nu kukolelela anyonko aina Izlaeli kuti vikayazwilizye ukulwa inkondo.

Yoswa 4:11

nga zuwazuwa lino yonsi kwene yamala ukulamba, yasimapepo iyakolelela antu yonsi yala yasenzile Mbokosi ya Upangano yakwe Yawe.

Yoswa 4:13

Pa manso yakwe Yawe antu ukulingana na mazimbi amakumi yani, yao aiteinye ku ulwi, iyalamba nu kulungama ku manyika aku Yeliko.