Yoswa 3:7 - Amazwi Yakwe Leza 2013

⁷ Lyene Yawe anena Yoswa ati, “Vino namacita ilelo vimalenga kuti aina Izlaeli yonsi yatandike kucindamika, pakuti yamanye ukuti nemo indi nawe wakwe vino nali na Mose.

Yoswa 3:7 ပူးပေါင်းရင်းမြစ်များ

1 Milandu 29:25

Aina Izlaeli yonsi yalola ukuti Yawe watatumpula Solomoni. Wene amupeela uteko uwa lulumbi uno kutatazile kuya umwene muze uwa ukweti mu mpanga ya Izlaeli.

2 Milandu 1:1

Lino uwene wakwe Solomoni umwana wakwe Davidi wakomile, Leza wali nawe nu kumupolelela, wamupolelile sana nu kumupelesya amaka.

Yobo 7:17

Uzye lyene umuntu uwacani kuli wewe, pakuti wamusumbako amano nu kumucindamika?

Masamu 18:35

Wemo wampeela ni cisyangu ica kumpususya. Ikasa lyako, ilyakwe ndilo lyancindamika, na amaka yako yambwaka.

Yoane 17:1

Lino yesu wamala kulanda, alingamila kwiyulu avwanga ati, “Tata, kasita kati kiza. Sokolola lulumbi lwa Mwana wako kuti Mwana wako nawe asokolole lulumbi lwako.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Yoswa 1:17

Tumakuyelanga wakwe vino twayelanga Mose lyonsi. Nupya Yawe Leza angaya nawe pee wakwe vino wali na Mose!

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.

Yoswa 3:8

Upeele ilamulo lii kuli yasimapepo yano yakasenda Mbokosi ya Upangano, uti, ‘Lino mulafika pa cituntu ca Luzi lwa Yodani, muce mwingile nu kwimilila mu luzi mukasi.’ ”

Yoswa 4:14

Uwanda ulya Yawe acindamika Yoswa sana pa manso ya ina Izlaeli yonsi. Nga antu iyamucindika mu manda ya umi wakwe onsi, ndi vino yacindikanga Mose.