Yoswa 22:9 - Amazwi Yakwe Leza 2013

⁹ Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Yoswa 22:9 ပူးပေါင်းရင်းမြစ်များ

2 Samueli 2:9

Lyene amulasika uwene nga aya umwene wa Gileadi, Asyuli na Yezileele, nga nu wa mpanga yonsi yakwe Efulemu na yakwe Benjamini ni ya ina Izlaeli yonsi.

1 Milandu 5:9

Lwa ku ufumondaka nako yatenzi mu mpanga ilya mpaka ukufika umwapelela ulwanga lwamu nkumba ya Luzi lwa Yufulate, pamulandu wakuti iviteekwa vyao alanga vyasanduluka mu Gileadi.

Masamu 60:7

Gileadi wene uwakwane, na Manase kwene nawe uwakwane. Efulemu nawe ali cimpompo cane. Yuda nawe ali nsonzo yane iya wene.

Mpendwa 32:1

Amu mutundu wakwe Lubeni na wakwe Gadi yakweti iviteekwa ivivule cuze, ing'ombe ni mfwele. Lyene ilola ukuti impanga zya ina Yazeli na ina Gileadi iziyalinga ukucemelako iviteekwa ivikalamba.

Mpendwa 32:20

Mose apakuvwa vivyo aasuka ati, “Kwene mu cumi ndi cakuti mukulandilila, pa manso yakwe Yawe nani ali cino nkuti icisuma iteyanyini ku ulwi.

Mpendwa 32:22

nu kupoka impanga ilya. Pacisila cakwe cico mungawela, pamulandu wakuti ala mwatimufikilizya umulimo winu kuli Yawe nu ku ina Izlaeli asyala. Lyene Yawe angamunena ukuti impanga ii lwaku ufumondaka wa Yodani iyakwinu.

Mpendwa 32:26

Aci itu pamwi na ana itu pamwi ni ng'ombe ni mfwele yalasyala yakwikala mu misumba ya kuno ku Gileadi.

Mpendwa 32:29

“Ndi cakuti aina Gadi na amu mutundu wakwe Lubeni yalamba Luzi lwa Yodani ku kulwa inkondo pamwi namwe, alino mwaya mwacimvya ulwi ku maka yakwe Yawe, lyene muce muyapeele impanga ilya ya Gileadi iye iyakwao.

Malango 3:18

“Pa nsita ilya ali lino nayapile amalamulo ya, inti, ‘Yawe Leza witu watamupeela impanga ii yaku ufumondaka wa Luzi lwa Yodani kuti mupoke amuno mwaikala. Fwandi lyene leka asilika yonsi yaipangasye nga uyatume ku mbalama ya Luzi lwa Yodani yakolelele imitundu yuze ya ina Izlaeli, kuti yakayazwilizye ukupoka impanga nu kwikala mwenemo.

Malango 3:20

Kazwilizini anyonko aina Izlaeli suka nayo yace yapoke impanga ino Yawe Leza winu akuyapeela lwaku mbalama ya Luzi lwa Yodani. Akasuke Yawe akaleke ukuti yaikala ningo ndi vino cati ciya kuli mwemwe. Ali lino lyene namwe mulaweluluka ku mpanga zinu zino namupeela.’

Malango 34:1

Mose afuma ku manyika aku Moabu aya akwela Mwamba wa Nebo, alemela ukufika papela ya Mwamba wa Pisiga lwaku ufumondaka wa musumba wa Yeliko. Kuku kwene akuno Yawe amulangilila impanga yonsi kutandikila impanga ya Gileadi ukufika sile na lwaku katutu ku musumba wa Dani.

Yoswa 13:11

Alino ukwikapo na Gileadi, impanga ya antu aku Gesyuli nu ku Maaka, nu ku Mwamba wa Helimoni onsi nga nu ku Basyani konsi ukufika nu ku Saleka.

Yoswa 13:25

Impanga ino wayapeezile aei, Yazeli, imisumba yonsi yaku Gileadi nga na citika wa mpanga ya ina Amoni ukufika nu ku Aloeli, lwaku ufumondaka wa Laba.

Yoswa 13:31

na citika wakwe Gileadi, na Asyitaloti na Edilei (imisumba yaku wene yakwe Ogi umwene waku Basyani). Ili mpanga ino yapile amu mupanda wakwe Makili, uluko nu luko.

Yoswa 22:10

Lino yiiza ku Geliloti pipi nu ku Luzi lwa Yodani mu mpanga ya Kenani, amu mutundu wakwe Lubeni, na wakwe Gadi, nga nu mutundu pakasi wakwe Manase iyakuula kavuwa akakulu kuku mumbali ya luzi apasi pafisame.

Yakapingula 20:1

Lyene aina Izlaeli yonsi pali pakukatuka ukufuma ku Dani ukufika ku Belisyeba nu ku mpanga ya Gileadi, iyasya uwikalo wao yiiza iyakongana wa muntu wenga pa manso yakwe Yawe ku Mizipa.

Yakapingula 5:17

Umutundu wakwe Gileadi wikalanga ku ufumondaka wa Luzi lwa Yodani, nu mutundu wakwe Dani wasile pipi ni vyombo. Umutundu wakwe Asyeli wikalanga mu nkumba yakwe yemba. Iusyala mu vituntu vyakwe yemba.