Yoswa 20:3 - Amazwi Yakwe Leza 2013

³ pakuti umwi ndi wakoma umuntu muze mu uzanzo nupya kusi ku mufulo, wene angutukila kweneko ku kuzina ukufuma kuli kalandula.

Yoswa 20:3 ပူးပေါင်းရင်းမြစ်များ

2 Samueli 14:11

Umwanaci wilya avwanga ati, “Musambazi, lenga kuli Yawe Leza wako, kuti ataleka uwakazi acite cimwi iciipisye nu kukoma umwana wane.” Davidi nawe amunena ati, “Nalapa umwi zina lyakwe Yawe waumi ukuti kusi umuntu nanti wenga alamukumyako nanti akantengezya.”

Aina Levi 4:2

“Nena aina Izlaeli ukuti pali vyonsi vino Yawe walesya, umuntu ali wensi ndi wifya kwaula kumanya, wacita icintu cimwi icaindwa, alinzile ukucita vii:

Mpendwa 35:12

Misumba iyo ilinzile yaya iyakuzina mwenemo apa kuutuka yakalandula ya wazi. Nu wakoma atanga afwe suka yatala yamupingula api umba.

Mpendwa 35:19

Kalandula wa wazi ali wino alinzile ukukoma umuntu uwakomile umuntu muze ku mufulo. Ndi wamukomenkanya sile ukumukoma.

Mpendwa 35:22

Lelo ndi cakuti wene wamukomile ukwaula ulupato, ale caya sile nsula ali wamukoma wafwa, pa kumusunka nanti kumutama na cimwi.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Yoswa 20:2

“Nena aina Izlaeli kuti yasolole imisumba iyakuzina mwenemo, wakwe vino nakunenyile kupitila muli Mose,

Yoswa 20:4

Lino wene utukila ku musumba onga pali iyo, alinzile ukwimilila pa wingililo wa mpongolo ya musumba uwo nu kutula umulandu wakwe inkolelo ya ntunguluzi zya musumba kwene uwo. Alino lyene yalinzile kumuzumilizya ukwingila mu musumba wao nga yamupele incende pa kwikala nayo.