Yoswa 2:4 - Amazwi Yakwe Leza 2013

⁴ Lelo umwanaci wilya walanga watafisa aonsi yalya yaili. Alino avwanga ati, “Icacumi, aonsi yaa yatiyiza kunondi, lelo nemo ntalimanyile kuno yafumile.

Yoswa 2:4 ပူးပေါင်းရင်းမြစ်များ

2 Yamwene 6:19

Lyene Elisya anena asilika yaya ati, “Inzila ino mwali mwizile mwenemo asi nzila ii foo. Nu musumba uno mwali mufumile mwenemo, asi uno foo. Mwemo ndondelini sile, nani namamutungulula ku muntu wino mwalimukulonda.” Fwandi ali vino Elisya wayatwazile ku musumba wa Samaliya.

Kufuma 1:19

Yanakambuza nayo yaasuka Falao yati, “Musambazi, anaci Ayebulai yasi wa anaci aina Eguputo. Yene pa ukulu yakaisapula zuwa kwaula kucula. Nupya ana yao yakavyalwa ala nanti aumwi uwa munotuli atacili afike kunoyali.”

Yakobo 2:25

Vivyo kwene avino cali na kuli Laabu cizelele. Wene wacisilwe kuya mololoke pa manso yakwe Leza kupitila mu milimo yakwe apa kuzengela nengu zya ina Izlaeli nu kuyazwa kongoloka, yapita ku museo uze.

Yoswa 2:3

atuma inkombe kuli Laabu ku kumunena ziti, “Fumya aonsi yano yatiyiza ukwako uyalete kuno, pano yene yatiyiza ku kwendezya impanga ii yonsi.”

Yoswa 2:5

Lino kakuku katola, apipi ni nsita ya kuyala impongolo ya musumba, aonsi yalya iyala iyapita. Ntamanyile ni ntunga ino yalungime, lelo ndi mwapitisya mwayalondelela mungayazana.”

Yoswa 6:17

Umusumba uu pali pamwi na kali konsi akaya mwenemo, vyapeelwa kuli Yawe kuti vyononwe. Kusi umwi uwakusya umupuma, suka sile cizelele Laabu apali pamwi na yao yonsi ali mu ng'anda yakwe na aliwe. Pasi pano wene wafisile inengu zino twatumile.

Yoswa 6:25

Lelo Yoswa atakomile cizelele wilya Laabu, ni vyamu ng'anda yakwe, na amu ng'anda yakwe, pamulandu wakuti wene wafisile aonsi yano Yoswa watumile ku kuya endezya umusumba wa Yeliko. Nga wene pamwi na amu ng'anda yakwe yakaikala pakasi ka ina Izlaeli na pilelo kwene.