Yoswa 2:18 - Amazwi Yakwe Leza 2013

¹⁸ suka sile ndi waca wanyepelela umwando uyenzu ukwi windo, lilya kwene lino waliwatufumizyamo nu kutwisizya pansi. Nupya suka sile ndi ulakonganika so na nyoko, na anyonko yakalume na yakaci, na akazi kako yonsi mu ng'anda yako.

Yoswa 2:18 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 7:1

Lyene Yawe anena Nowa ati, “Pita ingila mu cange pamwi na amu ng'anda yako. Ninzana vino wewe wenga mpo mu antu yonsi ukacita ivyaololoke.

Esita 8:6

Pasi pano nemo ningaposiwa ukuposya apakulola kuno yakukomola antu yane kumwi na akazi kane.”

Kufuma 12:13

Uwazi wa pa meema cilaya cili cimanyililo cakulangilila mang'anda muno mwe ina Izlaeli mukaikala. Lino ndavunuka aina Eguputo, ndi nalola uwazi pa meema ndacilila ng'anda iyo, nga ni mpungo italapona panomuli kuti imonone.

Lwimbo lwakwe Solomoni 4:3

Imilomo yako ili wa kasalu kayenzu cee. Pasi pakutemwa ndi nakulola lino ukuseka. Matama yako yakuloleka wakwe pomegeleneti, mu cikuwalo caku mutwe wako.

Aina Levi 14:4

simapepo alinzile ukupeela ilamulo kuti yamuletele vyunyi vipuma viili vino Ayuda yakalya pamwi na kamusambo ka cimuti ca mukelide nga yamuletele na kasalu kayenzu alino na kamusambo ka isopu.

Mpendwa 19:6

Lyene simapepo atoole kamusambo ka cimuti ca mukelide, nu musambo wa isopu ukulunda penepo na tutonge nu kuvisumbila pa cininkwa ca moto uno yakocelapo indama iyo.

Mpendwa 4:8

Pali vyonsi vii yalinzile kuvimbilikizyapo insalu iyenzu, ino nupya yalinzile yafupa mu mpapa zinyukwe ningo nu kusomekamo mipingilo.

Luka 19:9

Yesu nawe amunena ati, “Ilelo wemo pamwi na amu ng'anda yako mwati mutuulwa, pano na wii kwene uwamu luko lwakwe Abulaamu.”

Milimo 10:27

Petulo watwalilile kuvwanga kuli Konelio lino akwingila mu ng'anda muno wazanyile antu aingi ala yati yakongana.

Milimo 10:33

Caleka natumile kuti wize zuwa, nga wacita ningo pano wiza. Ndakai swensi tuli pano pa manso yakwe Leza, kulolela kuvwa cili consi ndi vino Umwene watapela ilamulo kuti uvwange.”

Milimo 11:14

Ali nu kuvwanga amazwi kunuli yano wewe na amu ng'anda yako muli nu kutuulilwamo.’

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

Ayebulai 9:19

Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Yoswa 2:21

Alino Laabu azumilizya ati, “Cilaya ndi vino mwatimuvwanga.” Acino ayanena ukupita pa lwendo lwao nga nayo yapita. Lyene lino yapita asyala anyepelela umwando uyenzu ukwi windo.

Yoswa 6:23

Acino alumendo yalya aile iyendezya apali pakuyako nu kufumya Laabu, na isi na nyina na yakalume yakwe nga na amu ng'anda yakwe yonsi. Yafumya amu ng'anda yakwe yonsi nu kuyika mu ncende yonga ukunzi ya nsakwe zya ina Izlaeli.

Yoswa 6:25

Lelo Yoswa atakomile cizelele wilya Laabu, ni vyamu ng'anda yakwe, na amu ng'anda yakwe, pamulandu wakuti wene wafisile aonsi yano Yoswa watumile ku kuya endezya umusumba wa Yeliko. Nga wene pamwi na amu ng'anda yakwe yakaikala pakasi ka ina Izlaeli na pilelo kwene.