Yoswa 13:9 - Amazwi Yakwe Leza 2013

⁹ Impanga iyo yatandikila ukufuma ku Aloeli lwa mu mbali ya Cifoloma ca Alinoni, kumwi nu musumba uwaya mu cifoloma ni mpanga yonsi itumpuke nupya itambalale, ukutandikila ku Medeba ukufika ku Diboni.

Yoswa 13:9 ပူးပေါင်းရင်းမြစ်များ

2 Samueli 24:5

Iyalamba Yodani nu kukuula insakwe ku kaeya ka Aloeli, umusumba uwaya pakasi ka cifoloma, umu mpanga yakwe Gadi. Lino yafuma kuku iyaya lwaku katutu ku Yazeli,

1 Milandu 19:7

Yalipila amaceleta ukulingana 32,000 kumwi na yakapisya ya maceleta, nga nu mwene waku Maaka kumwi ni vita vyakwe. Yayo yizile yacita inkambi pipi nu ku Medeba. Aina Amoni nayo kwene yafuma mu misumba yao nga yaiteyanya uku ulwi.

Neemiya 11:25

Antu yamwi amu mutundu wakwe Yuda yikalanga uku Kilyati Aliba ni mizi yakweo, uku Diboni ni mizi yakweo, ku Yekabuzeeli ni mizi yakweo.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Yelemiya 48:18

Ika papo apa cilimba cako caucindami, uivwenteke apa citumba, we mukazyana mwana Diboni, we muno watenzi lyonsi umu mutende. Pasi pano lyene umononyi wakwe Moabu wiza ku kulwisya. Wene wataonona na malinga yako.

Yelemiya 48:22

Uku Diboni, uku Nebo nu ku Beti Dibulataimu,

Yelemiya 48:8

Umononyi wilya aliza ku konona umusumba uli onsi, nga kusi umusumba nanti onga uno alapanya. Icifoloma cilononwa kumwi ni mpanga itambalale, pano Yawe uwatavwanga.

Mpendwa 21:30

Lelo ndakai amu mupanda wao yononeka. Nzila yonsi ukufuma ku Hesyiboni mpaka kufika ku Diboni, mpaka kufika ku Nofa, pipi nu ku Medeba.”

Malango 2:36

Yawe Leza witu uwalesile kuti tungapokolola imisumba yonsi, ukutandikila ku Aloeli, mu mbali mbali ya Cifoloma ca Alinoni, ukufika nu ku musumba uwaya pakasi ka cifoloma cici, nzila yonsi ukufika nu ku Gileadi. Kusi umusumba uwakweti ilinga lino lingatuposya kukwela.

Malango 3:12

“Lino twaposile impanga pa nsita ilya, natoozile impanga nu kuipeela ku amu mutundu wakwe Lubeni nu ku amu mutundu wakwe Gadi, ukutandikila lwaku katutu ka musumba wa Aloeli pipi nu Luzi lwa Alinoni. Injaputwila ni cipande cimwi ica mpanga ya myamba yaku Gileadi, kumwi ni misumba iyaya kweneko.

Malango 3:16

Amu mutundu wakwe Lubeni na wakwe Gadi nayo nayapile impanga iyakutandikila mu Gileadi ukufika nu ku Luzi lwa Alinoni. Pakasi ka luzi apaya umupaka wao uwaku kaeya, nga nu mupaka wao uwaku katutu waya ku Luzi lwa Yaboki, ni cipande cimwi ica luzi kwene luu uli mupaka wa ina Amoni.

Yoswa 12:2

Siooni umwene wa ina Amoli wino wikalanga ku Hesyiboni. Wene wateekanga ukufuma ku Aloeli mu mbali ya Luzi lwa Alinoni ukwikapo nu mukonko onsi ukufika nu ku Luzi lwa Yaboki, ululi umupaka wa ina Amoni, ukulundapo na citika wa mpanga ya Gileadi.

Yoswa 13:10

Nga ni mizi yonsi yakwe Siooni umwene wa ina Amoli, uwateekanga mu Hesyiboni, ukufika nu ku mupaka wa ina Amoni.

Yoswa 13:16

Yapilwe impanga ukutandikila ku Aloeli pa mbali ya Cifoloma ca Alinoni, kumwi nu musumba uwaya mu cifoloma, ni mpanga yonsi itumpuke nupya itambalale ukufika nu ku Medeba.

Yoswa 13:8

Umutundu pakasi wakwe Manase nauze, nga na amu mutundu wakwe Lubeni na Gadi yene walanga yapokelela icaupyanyi cino Mose wayapeezile lwaku ufumondaka wa Luzi lwa Yodani, wakwe vino Mose umuomvi wakwe Yawe wayapezile.