Yoswa 13:2 - Amazwi Yakwe Leza 2013

² Ni mpanga ino utali upoke aeyi: impanga yonsi ino aina Filisti na ina Gesyuli yakaikala mwenemo,

Yoswa 13:2 ပူးပေါင်းရင်းမြစ်များ

Utandiko 10:14

Patulusi, Kasilu, na Kulete (uwali cikolwe ca ina Filisti) na ina Kafitoli.

Utandiko 26:1

Kwali cipowe nacuze mu mpanga ilya wakwe cici icali pa nsita yakwe Abulaamu. Isaki aya kuli Abimeleki, umwene wa ina Filisti ku Gelali.

2 Samueli 15:8

Lino nikalanga ku Gesyuli umu Alamu, nalavile Yawe inti, ‘Ndi cakuti we Yawe waca wanswilizya ku Yelusalemu, ale lyene indaya nkakupepe ku Hebuloni.’ ”

2 Samueli 3:3

Wakwe ciili wali a Kileabu, wino nyina wali a Abigelo, uwatwitwe ku muyazi Nabali, uwaku Kalimeli. Wakwe citatu wali a Abusalomu wino nyina wali a Maaka umwana umwanaci uwa mwene Talimai umwene waku Gesyuli.

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.

Zefaniya 2:5

Kalanda kuli mwemwe mwemuno mwikala mu nkumba yakwe yemba, mwe mutundu wakwe Keleti. Yawe watamulolwesya, mwe ina Kenani, impanga ya ina Filisti. Wene akuti, “Ndamonona mwemwe mwensi, nga patalasyala nanti wenga uwa munomuli.”

Malango 3:14

Yaili, uwali uwamu mupanda wakwe Manase, nawe ali pakutoola impanga yonsi yaku Aligobu, kuli kuti, Basyani, aya apelela ku mupaka wa ina Gesyuli na ina Maaka. Ali pakutemela imisumba ya kweneko izina lyakwe, wakwe ndi muno ikaamilwa na pilelo ukuti imisumba yakwe Havoti Yaili.)

Yoswa 12:5

Uwene wakwe wafisile mpaka ku Mwamba wa Helimoni nu ku Saleka, kumwi na Basyani wensi ukufika nu ku mupaka wa ina Gesyuli na ina Maaka, nga na citika wa mpanga ya Gileadi lwaku mupaka wakwe Siooni umwene waku Hesyiboni.

Yoswa 13:11

Alino ukwikapo na Gileadi, impanga ya antu aku Gesyuli nu ku Maaka, nu ku Mwamba wa Helimoni onsi nga nu ku Basyani konsi ukufika nu ku Saleka.

Yoswa 13:13

Lelo aina Izlaeli yaposiwe ukuzinga antu aku Gesyuli nu ku Maaka. Icaleka na pilelo kwene antu yalya yakaikala pamwi na ina Izlaeli.

Yakapingula 3:1

Zii zili nko zino Yawe wasile kuti zyaezya aina Izlaeli, yao atamanyile ivya kulwa inkondo pa nkondo izyacitike mu Kenani.

1 Samueli 27:8

Lyene Davidi na antu yakwe yakatukanga iyaya ku kuzanza aina Gesyuli na ina Gilizi na ina Amaleke. (Uku mpiti antu yaa yikalanga umu mpanga iyafika ku Syuli mpaka nu ku Eguputo.)