Yoswa 11:2 - Amazwi Yakwe Leza 2013

² na kuli yamwene aku katutu ku mpanga ya myamba mu Alaba, lwaku kaeya kakwe Yemba wa Galile, mu misana ya twamba yaku ufumondaka nu ku Doli lwaku uwondaka.

Yoswa 11:2 ပူးပေါင်းရင်းမြစ်များ

1 Yamwene 15:20

Beni Hadadi yazumilizyanya nu mwene Asa nga atuma yamusika akalamba ya vita vyakwe ku kuzanza imisumba yaku Izlaeli. Wene apoka ni misumba ii: Iyoni, Dani, Abeli Beti Maaka, nga ni ncende yonsi ya Kineleti kumwi ni mpanga yonsi yakwe Nafutali.

1 Yamwene 4:11

Beni Abinadabu wangalilanga konsi ku Doli, impanga ya myamba. Wene watwite Tafati umwana wakwe Solomoni.

Mpendwa 34:11

Umupaka uwo ukafumilile ku Syefamu ukutentemukila ku Libula, lwaku ufumondaka wa Aini, utentemukile nupya ukupambata Yemba wa Galile,

Luka 1:39

Pacisila ca manda yanono Maliya, acincila akatuka aya ku musumba uwali mu myamba ya mpanga ya Yudeya,

Luka 5:1

Uwanda umwi lino Yesu wimilile pa nkumba yakwe yemba wa Genesaleti, antu yamuunganila, ala yakuuvwa mazwi yakwe Leza.

Yoswa 10:40

Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.

Yoswa 10:6

Lyene aina Gibyoni iyatuma inkombe kuli Yoswa mu nsakwe ku Giligali yati, “Mutezya kutazyela aomvi inu. Lelo izini kuno zuwa mututuule! Izini mutwazwe, pamulandu wakuti yamwene ya ina Amoli ukufuma mu mpanga ya myamba yatiyuminkanya ivita vyao kuti yatulwisye.”

Yoswa 11:16

Avili vino Yoswa waposile impanga yonsi, impanga ya myamba, impanga yonsi iya Negebu, impanga yonsi iya Gosyeni, imisana ya twamba yaku uwondaka, impanga ya Alaba, nga ni mpanga ya ina Izlaeli ya myamba ni misana yakweyo,

Yoswa 11:21

Pa nsita ilya Yoswa apita aya aonona aina Anaki yonsi pyu mu mpanga ya myamba: ukutandikila ku Hebuloni, ku Debili nu ku Anabu, nu ku mpanga ya myamba yakwe Yuda, ni mpanga ya myamba iya ina Izlaeli, ala akuyonona yonsi pyu kumwi ni misumba yao.

Yoswa 12:23

umwene waku Doli (mu nkumba yakwe Yemba), umwene waku Goimu mu Giligali

Yoswa 12:3

Wene wateekanga na lwaku ufumondaka wa Alaba ukutandikila kuli Yemba wa Galile ukufika na kuli Yemba wa Alaba (kuli kuti Yemba wa Musilya), nu kulunduluka ku Beti Yesyimoti, ukufika nu kwisika lya mutentemuko wa Mwamba wa Pisiga lwaku kaeya.

Yoswa 13:27

Nga ni mpanga zyaku Cifoloma ca Yodani wakwe zii: Beti Halamu, Beti Nimula, Sukoti na Zafoni kumwi nu wene uwasile wakwe Siooni umwene waku Hesyiboni (kuli kuti ku ufumondaka wa Luzi lwa Yodani, ni mpanga iyelile ukupela kufika ku mpela yakwe Yemba wa Galile).

Yoswa 17:11

Mukasi ka mpanga yakwe Isakali na Asyeli, Manase wakweti Beti Syani, Ibeleamu nga ni mizi yakweo, na aikazi amu Doli nu mu mizi yakweo, na amu Endoli nu mu mizi yakweo, na amu Taanaki nu mu mizi yakweo, na amu Megido nu mu mizi yakweo

Yakapingula 1:27

Lelo Manase atazinzile aikazi amu mu musumba wa Beti Syani nanti amu Taanaki nanti amu Doli nanti amu Ibeleamu nanti amu Megido kumwi na amu mizi izingulwike, pasi pano aina Kenani yang'ang'anile ku mpanga ilya.