Yoswa 1:8 - Amazwi Yakwe Leza 2013

⁸ Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Yoswa 1:8 ပူးပေါင်းရင်းမြစ်များ

Utandiko 24:63

Manguzi lino lyatemba Isaki aya aendezya ku vyalo alola ingamila zikwiza.

2 Milandu 26:5

Wene waipile kuli Leza pa manda yonsi yano Zakaliya wamusambilizyanga pa kukwatila Leza icoopo. Na lyonsi lino waipile kuli Yawe, Leza wamupeelanga ulongo.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 119:15

Namaelenganyanga apa vyeo vyako, namasumbangako amanso yane apa nzila zyako.

Masamu 119:97

Iye mwe, silola vino natemwa amasunde yako wakwe cimwi! Nkayelenganya uwanda onsi.

Masamu 119:99

Natinja na mano ukuluta na yakasambilizya yane yonsi, pano nkakutumalilapo apa malamulo yako.

Masamu 19:14

Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!

Masamu 40:10

Insyakutala mfise amazwi akuti wemo ukapususya. Lyonsi sile nkavwanga apamulandu na ucumi wako nu wazwilizyo wako. Umwi uvi lyako, nsiikala cele, apamulandu nu kutemwa kwako ukwa muntaputuka. Na pali ucumi wako, nkavilanda penepo umwi uvi lya antu yako ilikalamba.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Mateo 12:35

Muntu musuma akafumya vintu visuma mu visuma vino wasunga mu mwenzo wakwe. Nu muntu mwipe akafumya viipe mu viipe vino wasunga mu mwenzo wakwe.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 7:21

“Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Yoane 13:17

Ndakai mwati mumanya vintu vii, nga ndi mukuvicita mulaya alongo.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Malango 29:8

ituyapoka ni mpanga nu kuyankanya ku mitundu yakwe Lubeni na Gadi nu ku luko pakasi lwakwe Manase.

Malango 29:9

Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Malango 30:14

“Awe! Ala lyene lili pakwene pipi namwe. Mwalimanya nupya mungalyeleuzya, caleka mulinzile kuliyela.

Malango 31:11

mulinzile kuwelengela aina Izlaeli isunde lii pa Cimulo ca Nsakwe lino yiiza ku kupepa Yawe pa ncende ino wene wasolola.

Malango 31:24

Lino Mose wamala kulemba amazwi yaa ya malamulo mu lupapulo, umukutekela cuze pa kukanasya nanti kamwi,

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Yoswa 1:7

Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.

Yoswa 8:34

Pacisila cakwe vii, Yoswa awelenga amazwi yonsi amu masunde, akumile kupolelelwa ni ntipu, wakwe vino yalembwa mu lupapulo lwa Masunde.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.