Yoswa 1:7 - Amazwi Yakwe Leza 2013

⁷ Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.

Yoswa 1:7 ပူးပေါင်းရင်းမြစ်များ

1 Yamwene 2:2

“Nemo lyene nasya mfwe, acino ulinzile kuposya nupya utatovoka.

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

2 Yamwene 22:2

Yosiya wacitanga ivintu ivisuma pa manso yakwe Yawe, ndi vino Davidi icikolwe cakwe, wacitanga. Walondelanga amasunde yakwe Yawe nu mwenzo wakwe onsi.

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

2 Milandu 15:7

Ali cino fwandi mwemo komini sile, mutatovoka foo. Pasi pano apa milimo ino mukaomba, apano mulapokela icilambu.”

2 Milandu 26:5

Wene waipile kuli Leza pa manda yonsi yano Zakaliya wamusambilizyanga pa kukwatila Leza icoopo. Na lyonsi lino waipile kuli Yawe, Leza wamupeelanga ulongo.

Yobo 1:8

Nupya Yawe auzya Satana ati, “Uzye utali walola ivyaya umuntu wane Yobo? Uzye kwene muno nsi mungaya umuntu wino yangalingana nawe umu kucita ivyaololoke? Wene wankwatila umucinzi ni coopo, nupya wene akafuntuka ku kucita akantu akali konsi akaipe.”

Masamu 80:19

Sungatuswilizya mwenemo, we Yawe Leza Wamaka yonsi! Tulolekesye luse luse apakuti tupusuke!

Mapinda 4:27

Utapalukila kwilunji nanti kwimani, funtusya ingazo zyako uku ui.

Mapinda 8:20

Nkapita umu museo wa ololoke, umu nzila ya ulungami.

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Mpendwa 27:23

Alino amwikapo amakasa nu kumupeela ivyeo ivya kumulasika, wakwe muno Yawe wanenyile Mose.

Malango 11:8

“Caleka mwayela amalamulo yonsi yano nkumupeela ilelo, pakuti muce mukwate amaka aku lamba Luzi lwa Yodani nu kupoka impanga ino ilaya iyakwinu.

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 28:14

Lelo mutakezye ukukana yela amalamulo yaa mu musango uli onsi nanti ukupepa nu kuombela tuleza tuze.

Malango 29:8

ituyapoka ni mpanga nu kuyankanya ku mitundu yakwe Lubeni na Gadi nu ku luko pakasi lwakwe Manase.

Malango 29:9

Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Malango 31:7

Lyene Mose aama Yoswa pa manso ya ina Izlaeli yonsi nga amunena ati, “Uposye nupya uzyansye. Wewe uli nu kutungulula antu yaa ku kupoka impanga ino Yawe walavile ukupeela ku vikolwe vyao, nupya ulinzile ukuyankanya wa caupyanyi cao.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.

Yoswa 1:1

Pacisila ca mfwa yakwe Mose umuomvi wakwe Yawe, Yawe alanda na Yoswa umwana umonsi wakwe Nuni, wiyo uwali kazwa wakwe Mose, ati,

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 11:15

Wakwe vino Yawe wapeezile ilamulo lyakwe kuli Mose, avili vino Mose wapeezile ilamulo kuli Yoswa nga Yoswa acita vivyo kwene. Apa malamulo yonsi yano Mose wamupeezile pasi ilamulo ilitafikiliziwe.

Yoswa 23:6

Acino fwandi mwaikomelezya nu kutekela pa kulondela vyonsi ivyalembwa mu lupapulo lwa Masunde yakwe Mose, ukwaula kusya nanti cimwi.