Yoswa 1:6 - Amazwi Yakwe Leza 2013

⁶ Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yoswa 1:6 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

1 Yamwene 2:2

“Nemo lyene nasya mfwe, acino ulinzile kuposya nupya utatovoka.

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

1 Milandu 28:10

Lyene elenganya ningo apa vintu vii, pasi pano Yawe wakusolola kuti umukuulile ng'anda, umwakuti wene aikalamo ungati umwakwe. Posya kuti uombe umulimo uu.”

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

2 Milandu 15:7

Ali cino fwandi mwemo komini sile, mutatovoka foo. Pasi pano apa milimo ino mukaomba, apano mulapokela icilambu.”

2 Milandu 20:11

Lyene cino akutuswilizya apamulandu wakuti yatuzinga umu nsi ino wene watupile ngi mpanga ya upyanyi.

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Hagai 2:4

Lelo nanti cingaya vivyo kwene ne Yawe nkuti, uposye mwine Zelubabeli, uposye mwine Yoswa we mwana monsi wakwe Yeozadaki, we simapepo mukalamba, muposye mwe antu mwensi kwene, mwe ikazi amu mpanga. Acino tandikini umulimo pano nene ne Yawe namayanga namwe lyonsi pe.

Zakaliya 8:9

“Posyini! Pali ndakai mwemo mukuuvwa amazwi ali yonga sile yano yakasema yalandanga, lilyo lino umufula wa kukuulilapo cipya cipya Ng'anda yane ikulu wafukwilwe.

Mpendwa 26:53

“Yakwene yaa, ali yano uce wankanye impanga kulingana ni mpendwa yati lembwa pakuti ice iye icuma cao.

Mpendwa 33:53

Muli nu kupoka impanga yao, nu kwikala amuno mwemwe mumaikalanga. Anene namupeela impanga ilya kuti iye iyakwinu.

1 Kolinto 16:13

Pempulini nu kukomeleka mu utailo, posyini, muye na maka.

Efeso 6:10

Mukusyalikizya, lekini maka yakwe Leza yamukomelezya.

Malango 1:21

Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 11:8

“Caleka mwayela amalamulo yonsi yano nkumupeela ilelo, pakuti muce mukwate amaka aku lamba Luzi lwa Yodani nu kupoka impanga ino ilaya iyakwinu.

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

Yoswa 1:18

Wino wensi alatwisika amaka yako nanti kukanayela amazwi yako, cisi cimwi ilamulo lino ulayapeela, wene alakomwa. Wemo ule uposye nupya uzyansye.”

Yoswa 1:7

Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 10:25

Alino Yoswa anena yamusika yalya ati, “Mutuvwa intete nanti ukutonsiwa. Posyini nupya muzyansye. Pano avili vino Yawe alacitila anisi inu yonsi yano mulalwisya.”

Yoswa 13:6

Yonsi akaikala mu ncende zya myamba ukutandikila ku Lebanoni ukufika ku Misilefoti Maimu lwaku ufumondaka, kumwi na ina Sidoni yonsi, Ne mwisikulu ndayazinga pa manso ya ina Izlaeli. Sininkizya ukuti wapeela impanga ii ku ina Izlaeli kuti ikaye icaupyanyi, wakwe vino nakupeela ilamulo.

Yoswa 18:3

Acino Yoswa anena aina Izlaeli ati, “Uzye mulalolela mpaka ukufika nsita cii pakuti mumalile ukupokolola impanga ino Yawe Leza wa vikolwe vinu wamupeela?

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 5:6

Aina Izlaeli yazeulukanga mu lwanga imyaka amakumi yani suka aonsi yonsi ali vita mu luko iyafwa, yonsi afumile mu Eguputo yano yatayezile Yawe. Pano Yawe walafile kunoyali ukuti yatalatala yalole impanga ino wene walavile ivikolwe vyao ukuti alaipeela kunotuli, impanga ilya ikulu nupya ivunde cuze.

1 Samueli 4:9

Si mungala musipe, muposye iconsi. Pano ndi cisi vivyo Ayebulai yaa yamamutekanga uzya wakwe vino mwemo mwayateesile. Fwandi posyini iconsi, nu kulwa!”