Yoswa 1:5 - Amazwi Yakwe Leza 2013

⁵ Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 1:5 ပူးပေါင်းရင်းမြစ်များ

Utandiko 39:2

Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

1 Yamwene 1:37

Vino Yawe waya nawe lyonsi we musambazi, avino ciye na kuli Solomoni umwana wako nupya amupeele ulongo nu kuteeka kwakwe aleke kuye ukukulu ukuluta kuteeka kwako, we mwene wane Davidi.”

1 Yamwene 11:38

Ndi cakuti umayelanga vyonsi vino nkukupeela ilamulo, nu kupita umu nzila zyane, nu kucita vino nemo nkalonda, apa kusunga ivyeo na malamulo yane wakwe vino Davidi umuomvi wane wacitanga, lyene alino namayanga nawe insita yonsi. Alino ndakulasika pa wene wa Izlaeli, nupya ndaleka kuti aizikulu yako yateeka wakwe vino nacitile Davidi.

1 Yamwene 6:13

Nemo lyene ale namaikalanga pakasi ka antu yane mu Ng'anda ikulu yakwe Leza iya kwene iyakupepela mwenemo, ino ukunkuulila. Nupya ale ntalatala intazyele antu yane aina Izlaeli.”

1 Yamwene 8:57

We Yawe Leza witu sungala walukuya naswe, wakwe vino wayanga ni vikolwe vitu. Cingazipa ukuti utatutazyela nanti ukutufutatila.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Danieli 11:16

Umuzanzi waku Silya alayacita consi cino akasi, ukwaula kuti yamulesye. Wene alikala mu mpanga yalaiwa nga ilaya mu maka yakwe sutu.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Loma 8:37

Lelo mu vintu vii vyonsi tukweti kucimvya mu maka yakwe Leza wino watutemwa.

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Malango 20:4

Yawe Leza winu amapita namwe, amamupeela na maka akucimvya.’

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Malango 7:24

Wene alika yamwene yao mu makasa inu. Namwe mulayakoma, nga antu yalayilila. Kusi umwi alamulesyanya ukucita cico. Mwemo mulonona yonsi pyu.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Yoswa 1:17

Tumakuyelanga wakwe vino twayelanga Mose lyonsi. Nupya Yawe Leza angaya nawe pee wakwe vino wali na Mose!

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 10:8

Yawe anena Yoswa ati, “Utayoopa awe, pasi pano natinjapeela mu makasa yako. Kusi umwi munoyali amakuposya.”

Yoswa 21:44

Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

Yoswa 3:7

Lyene Yawe anena Yoswa ati, “Vino namacita ilelo vimalenga kuti aina Izlaeli yonsi yatandike kucindamika, pakuti yamanye ukuti nemo indi nawe wakwe vino nali na Mose.

Yoswa 6:27

Yawe wali na Yoswa, nga nu lulumbi lwakwe Yoswa lusalangana mu mpanga ilya yonsi.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 6:16

Yawe aasuka ati, “Ungacita cico pamulandu wakuti ndakwazwa. Wemo ulacimvya aina Midyani kwati yali sile umuntu wenga.”

1 Samueli 10:7

Lino ivimanyililo vii vyonsi vyaya vyaloleka, uye ukacite icintu icili consi cino wayalola ukuti acili cino cingakuzipila, pasi pano Leza ali nawe.