Yoswa 1:2 - Amazwi Yakwe Leza 2013

² “Mose umuomvi wane watafwa. Katuka fwandi lamba Luzi luu lwa Yodani, wewe pamwi na ina Izlaeli yonsi, mwingile nu mu mpanga ino namamupeela.

Yoswa 1:2 ပူးပေါင်းရင်းမြစ်များ

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Neemiya 9:23

Wasandulwile ana yao aonsi kwati intanda zya mwiyulu, nu kuyatwala umu mpanga ino walavile kupeela ivikolwe vyao. Yingile mwenemo nu kupoka yaiposile.

Yobo 1:8

Nupya Yawe auzya Satana ati, “Uzye utali walola ivyaya umuntu wane Yobo? Uzye kwene muno nsi mungaya umuntu wino yangalingana nawe umu kucita ivyaololoke? Wene wankwatila umucinzi ni coopo, nupya wene akafuntuka ku kucita akantu akali konsi akaipe.”

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Malango 3:28

Wemo peela sile Yoswa amalamulo. Fwandi umukomelezye nu kumupeela inzyansyo, pamulandu wakuti aliwe alatungulula antu ku kulamba nu kuyapoka nu kwikala mu mpanga ino wemo umalola sile.’

Malango 31:7

Lyene Mose aama Yoswa pa manso ya ina Izlaeli yonsi nga amunena ati, “Uposye nupya uzyansye. Wewe uli nu kutungulula antu yaa ku kupoka impanga ino Yawe walavile ukupeela ku vikolwe vyao, nupya ulinzile ukuyankanya wa caupyanyi cao.

Malango 34:5

Acino Mose umuomvi wakwe Yawe ali pa kufwila mumu kwene mu mpanga yaku Moabu, wakwe muno Yawe wavwanzile.

Yoswa 1:1

Pacisila ca mfwa yakwe Mose umuomvi wakwe Yawe, Yawe alanda na Yoswa umwana umonsi wakwe Nuni, wiyo uwali kazwa wakwe Mose, ati,

Yoswa 1:11

“Pitini mu nsakwe zyonsi mukanene antu muti, ‘Teyanyini iposo, pamulandu wakuti ndi papita amanda yatatu, mulalamba Luzi lwa Yodani nu kuya pokolola impanga ino Yawe Leza wamupeela kuti iye iyakwinu.’ ”