Yona 4:8 - Amazwi Yakwe Leza 2013

⁸ Lyene lino ilanzi lyatunka, Leza akatusya umuza ukaye ukufuma ku ufumondaka, nga ilanzi nalyo ilyoca Yona apa mutwe cakuti afwa icipafi. Yona alonda nu kufwa, nga avwanga ati, “Canzipila ukufwa kuluta ukuya nu umi.”

Yona 4:8 ပူးပေါင်းရင်းမြစ်များ

Utandiko 41:6

Lyene ku lusawa ululi lumwi kutumba misakinta nayuze cinimbali, inyale nupya ifooke pamulandu wa muza uno wafumanga mu lwanga.

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

1 Yamwene 21:4

Acino Aabu afuma kweneko ala watasoka sana pali vino Naboti umwina Yezileele wavwanzile. Lino wasendama pa musanzi wakwe, alozya amanso ku lung'umba nu kulya atalile.

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Yobo 7:15

cakuti ningakumbwa ukumalilika ku tulo nu kufwa, ukuluta ukucula wakwe vii mu mwili uu.

Masamu 121:6

Utalapya ukwi lanzi mu nsita zya musanya, nanti sile ukucuziwa nu mwezi umu nsita zya usiku.

Masamu 39:9

Namaikalanga cele, ukwaula ukuvwanga nanta cimwi, pano awewe watuleka kuti ncule vii.

Kasambilizya 7:9

Mutasoka zuwa, pano ukukwata kaikila uwelewele.

Lwimbo lwakwe Solomoni 1:6

Mutalola kufita kwane kuu, pano ilanzi ilyangoca. Yakalume yane yansokile, yancita umuomvi wa calo ca matingi, icalo cane kwene cino natazyela.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Ezekelo 19:12

Lelo antu acipyu yene iyautukula, yauwisya na pansi. Iviseekwa vyakweo ali pakuuma, pamulandu wa muza waku ufumondaka. Imisambo yakweo nayo ikontoka, yuuma ipya nu ku moto.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Yona 1:17

Lelo Yawe aleta iciluswi icikulu kuti cimile Yona, nga lino camumila, Yona watenzi munda ya ciswi amanda yatatu, musanya nu usiku.

Yona 1:4

Lyene Yawe akatusya umuza ukome sana pali Yemba, nga ikuya icipupu icakuti icombo cali pipi nu kononeka.

Yona 4:3

Lyene, we Yawe, nkukulenga sileka mfwe. Canzipila ukufwa ukuluta kuti nje nu umi.”

Yona 4:9

Lelo Leza anena Yona ati, “Uzye ukweti insambu yakusoka pamulandu wa cimelwa?” Yona nawe aasuka ati, “Endi, nkweti nsambu, nupya nene musoke cakuti cinganzipila nu kufwa.”

Mateo 20:12

‘Antu yaa, alemvilwe cisila yene yali yaomba aawa wenga sile, lelo wemo wayalipila cili conga naswe, swe muno twati tuomba kuluta nga nu kupya na kasanya.’

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

Umbwilo 7:16

Yene yatalatala yuvwe inzala nanti lusala nupya. Ilanzi nanti cikaililwa cili consi citalatala ciyoce,

1 Samueli 3:18

Acino Samueli amunena vyonsi vino yaliyamunena, ukwaula ukufisa nanti konga. Lyene Eli pali pakuvwanga ati, “Wene ali Yawe. Fwandi kaacite vyonsi ivingamuzanzya.”