Yona 3:8 - Amazwi Yakwe Leza 2013

⁸ Antu yalinzile ukuzwala vyakuzwala vyakulanga ulanda nga ni nyama nazyo muzivimbe ni vyakuzwala kwene vivyo. Cila muntu alinzile apimpe ukupepa kuli Leza. Endi, umuntu ali wensi alinzile ukuta imisango yakwe ya nkota kumwi ni vicitwa vyakwe viipe.

Yona 3:8 ပူးပေါင်းရင်းမြစ်များ

Yobo 16:17

Lelo kwene nemo ntacita ivyaukakasi, ni pepo lyane lyali ilyacumi.

Yobo 36:10

Akaleka kuti yuvwikisye vino wayasopesyanga apakuti yangafuntuka uku maifyo.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Ezaya 59:6

Fwandi vino mwemo mukapanga, visi vyakumuombela akantu nanti kamwi foo. Vyene ivyaciwelewele sile. Icili conga sile na vino insalu ino yapikwilwa nu usavu wakwe pengauyo!

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 25:5

Yene yamunena apa kufutatila inzila zinu iziipe izya mikalile inu, na pa vicitwa vinu iviipe, apakuti mungatwalilila ukwikala mu mpanga ino Yawe wapile kuli mwemwe nu ku vikolwe vinu, kuti itwalilile kuya impanga inu amanda pe.

Yelemiya 26:3

Limwi yangasuka yuvwe nu kuta imisango yao iipe. Nani namasuka njatezele api syamo lino napingula kuyaletela pa vicitwa vyao iviipe.”

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yona 1:14

Lyene yapepa kuli Yawe, yati, “Iye we Yawe, twapapata utaleka tufwe pamulandu wakukoma umuntu wi. Utaleka tuye amulandu pa kukoma umuntu wi uwakaele, pasi pano we Yawe watucita icakukuzanzya.”

Yona 1:6

Ciinda wa combo aya kunoli, nga amunena ati, “Uzye ungakasula uli? Katuka upepe kuli leza wako! Limwi amatusumbako amano kuti lyene tutaundwa.”

Mateo 3:8

Mwaomba imilimo isuma yakulanga vino mwati muzenzuka.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”