Yona 3:4 - Amazwi Yakwe Leza 2013

⁴ Yona aingila mu musumba ulya nga atandika ukupita mwenemo. Akosola ilandwe ati, “Kwasyala amanda nayauze amakumi yani kuti umusumba uwa Ninive ononwe.”

Yona 3:4 ပူးပေါင်းရင်းမြစ်များ

2 Yamwene 20:1

Umu manda yaya umwene Hezekiya alwala indwala yakumutwala uku mfwa. Alino kasema Ezaya, umwana wakwe Amozi aya ku kumufwilizya, nga lino amunena ati, “Yawe Leza wavwanga wati cange cizipe utandike ukutantika ivintu ningo, pano indwala ii isi ningo foo, imakukoma sile.”

2 Yamwene 20:6

Ndakulundila penepo imyaka ikumi na isano yakuti wikale pano nsi. Nupya anene kwene namakutuula uku mwene waku Asilya nga ntuule nu musumba ukwene uwa Yelusalemu. Namakucingililanga pamulandu wakuti avino nalavile umuomvi wane Davidi.’ ”

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Yelemiya 42:10

‘Ndi cakuti mukasi ukwikala umutende umu mpanga ino, ndamukuula ntalamuongolola pansi. Ndamulema ntalamwipa foo, pasi pano nimutezela apa uyi uno namucitile.

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Mateo 12:41

Pa wanda wa upinguzi, antu amu Ninive yalimilila pamwi na antu amu mukulo uu nu kuyasinila, pano yene yazenzwike lino Yona wakosozile kuno yali. Lola, umwi mukulu kuluta Yona ali pano.

Luka 11:30

Ndi vino Yona wali cilangililo ca cinjelengwe ku antu aku Ninive, vivyo kwene nu Mwana wa Muntu alaya cilangililo ca cinjelengwe ku antu amu mukulo uu.

Luka 11:32

Pa wanda wa upinguzi, antu amu Ninive yalimilila pamwi na antu amu mukulo uu nu kuyasinila, pano yene yazenzwike lino Yona wakosozile kunoyali. Lola, umwi mukulu kuluta Yona ali pano.

Malango 18:22

Ndi cakuti vino kasema wiyo wavwanga apaswe mwi zina lyakwe Yawe vitafikiliziwa, ale lyene lisi ilandwe lino Yawe wavwanga. Kasema wiyo waivwangila sile ivyakwe, nga mutakezye kumoopa.”