Yona 2:6 - Amazwi Yakwe Leza 2013

⁶ Intuwila mpaka ukufika pa visinte vya myamba, imfika nu kuzimo kuno nayalilwe umu mbali zyonsi umuyayaya. Lelo wemo, we Yawe Leza wane, wamfumizye umumi mu ciwina.

Yona 2:6 ပူးပေါင်းရင်းမြစ်များ

Yobo 33:24

Umungeli angatezela alwale yayo nu kuyapapatila ati, Yapususyini kuti yatafwa. Natinzana inzila yakuyakulwilamo.’

Yobo 33:28

Leza wampususya ku mfwa nu kuleka lyene inje nu umi, ukufika na pilelo kwene!’

Masamu 104:6

Wavimbilikizya insi na yemba ungati icakuvimbala. Amanzi yafika na papela pela apa myamba.

Masamu 104:8

Yatelemwike imyamba nu kuya umu mikonko, iyalungama na konsi kuno wayateyanyizizye kuti yaye.

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

Masamu 143:7

Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Masamu 18:5

Uzanzo wa kufwa wati umpombelekezya, nga ni nkose zya mfwa izilungatana nani.

Masamu 30:3

We Yawe, watufumya umwenzo wane ku mfwa, watumfumya muli yayo akaya ukwi lindi, nu kumbwezezya uumi.

Masamu 30:9

Uzye uwazi wane ivyani vino ungakuzipila, ndi cakuti natenzi umwi lindi? Uzye ndi nasanguka ulukungu, ningakulumbanya nu kutakola icumi cako?

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Masamu 65:6

Awewe wakatwisye imyamba uku maka yako, pano amaka yako yakula.

Masamu 69:2

Natinatuwila umu lutikiti uluzike wakwe cimwi. Pasi nanti pamwi apakulyata apa komile. Indi api ziya umucumi. Amayimbi nayo yali umupipi nu kwiza ntuwizya.

Ezaya 38:10

“Nemo nelenganyanga ukuti namaya ukwaya antu yane. Ntalatala nikale nupya pano nsi, nupya lino nafikila sile apa cimo ca wikolo.

Ezaya 38:17

Apakucula kwene palasungutila umutende, pano awewe sile wenga ukampususya uku vikalipe vyonsi, nupya awewe ukamfumizya uyi wane onsi.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezekelo 31:14

Caleka ukufuma ndakai kusi nanti cimuti cuze, cino catapililwa ningo, icilakula nu kutalimpa mpaka intonje yakweco ifike nu mu makumbi, wa cimuti kwene cico. Pano yonsi kwene uyo wakweyo imfwa, ukuya ku mpanga ya pansi, ukwikala pamwi na antu aina kufwa, yano yaya mpiti kuzimo.”

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

Habakuku 3:6

Wene ndi wimilila, insi yonsi ikatenkana. Ndi walolekesya, insi yonsi izakaza. Imyamba yape ikasunguluka ni milundu yamuyayaya nayo ikalokotela pansi. Ikwene ili milundu ino twapitangamo.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.