Yona 2:2 - Amazwi Yakwe Leza 2013

² “We Yawe, lino nali muntazi nakuusile kunuli, nga nawe ungasuka. Lino nali kuzimo napunzile kunuli kuti ungazwe, nga nawe uuvwa ipepo lyane.

Yona 2:2 ပူးပေါင်းရင်းမြစ်များ

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

Masamu 120:1

Nalaizya kuli Yawe umu malanda yane, nawe wangasuka.

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

Masamu 4:1

Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.

Masamu 61:2

Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.

Masamu 65:2

Pano wemo ukauvwa amapepo, antu yonsi yamaizanga kuli wewe.

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

Ezaya 14:9

Apansi ya musili, imfwa yaticincila ukwiza kuzengela. Yatisakatuka ni mipasi yakwe yamwene yonsi atenzi mpiti pano nsi, yakatusya yamwene yonsi amu mpanga apa vilimba vyao.

Nyimbo zya ndosya 3:55

“Umwi lindi kwene ilizike wakwe cimwi, indaizya nu kupunda kunuli we Mwene.

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezekelo 31:14

Caleka ukufuma ndakai kusi nanti cimuti cuze, cino catapililwa ningo, icilakula nu kutalimpa mpaka intonje yakweco ifike nu mu makumbi, wa cimuti kwene cico. Pano yonsi kwene uyo wakweyo imfwa, ukuya ku mpanga ya pansi, ukwikala pamwi na antu aina kufwa, yano yaya mpiti kuzimo.”

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Luka 11:10

Pano wensi akalenga akapelwa, na wino akalonda akazana, nga na wino akakonkonsya akayulilwa.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Milimo 2:27

pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

1 Samueli 1:16

Utezya untunganye ne muomvi wako ukuti nene mwanaci iciwelewele. Insita yonsi ii nalinkupepa pa ulanda wane na pa cikonko cino cafundika ku mwenzo wane.”

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.