Yona 2:10 - Amazwi Yakwe Leza 2013

¹⁰ Alino Yawe apeela ilamulo ku ciluswi cici kuti ciluke Yona apa cituntu pa musili ume, nga naco icicita vivyo kwene.

Yona 2:10 ပူးပေါင်းရင်းမြစ်များ

Utandiko 1:11

Nupya Leza avwanga ati, “Insi imezye vimelwa vya misango yonsi, ivikakwata impece ni vikaseeka iviseekwa umuli impece.” Nga cicitika vivyo kwene.

Utandiko 1:14

Nupya Leza avwanga ati, “Kakuye vyakupeela uluswepo mwi yulu vyakupaatukanya musanya nu usiku nga ni vimanyililo vyakulenga kutandika kwa nsita, amanda ni myaka ni nsita zyamu myaka.

Utandiko 1:3

Alino Leza avwanga ati, “Kakuye uluswepo,” nu luswepo iluyako.

Utandiko 1:7

Avino Leza wacisile ulwelele lwa kupaatukanya amanzi ya pisika lya lwelele na papela yaluko.

Utandiko 1:9

Nupya Leza avwanga ati, “Amanzi ali pisika ya lwelele yakolongane pa cifulo conga kuti kuye musili,” nga cicitika vivyo kwene.

Masamu 105:31

Leza apeela iceo ca tuzizi kumwi na yamunyinyi viza vyalimba impanga yonsi.

Masamu 105:34

Apeela iceo, na makanta aiza nga ni vikwe ivisi vyakupenda.

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Ezaya 38:20

Ica cumi, We Yawe watumpozya! Lyene swemo tumakulizizyanga ingoma, nu kukwimbila apa kukulumbanya, mu Ng'anda yako ikulu amanda yonsi yano tumaikala pano nsi.”

Ezaya 43:11

Nene indi Yawe, nga kutaya Katuula namuze alusile nene.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Oseya 13:4

Yawe wavwanga wati, “Nene indi Yawe Leza winu wiyo uwamutungulwile ukufuma mu Eguputo. Mutaya na Leza muze suka sile nene. Nene ndi Katuula winu, nenga mpo.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Yona 1:17

Lelo Yawe aleta iciluswi icikulu kuti cimile Yona, nga lino camumila, Yona watenzi munda ya ciswi amanda yatatu, musanya nu usiku.

Yona 3:1

Lyene Yawe anena Yona iila lyakwe ciili ati,